"Навбаҳор": Саматов ва Турғунбоев билан шартнома имзоланди

Бир йиллик танаффусдан кейин жамоага қайтган маҳоратли футболчи Алишер Саматов бу йилги чемпионатни “Навбаҳор”да ўтказадиган бўлди. Футболчи билан бир йиллик шартнома имзоланди. Шунингдек, иқтидорли футболчилардан бири Азизбек Турғунбоевнинг амалдаги шартномаси муддати ҳам якунланганди. Бугун Турғунбоев билан ҳам шартнома муддати узайтирилди.

Шу кунга қадар Саматовдан ташқари мавсумлар оралиғида жамоага қўшилган Жаҳонгир Меҳмонов, Ғиёс Комилов, Мирзоҳид Ғофуров, Рўзимбой Аҳмедов, Неманья Йовановичлар билан шартномалар имзоланганди. Шунингдек, жамоа сардори Дилшод Жабборов билан амалдаги шартнома муддати ҳам узайтирилганди. Тез орада бошқа футболчилар билан ҳам шартнома имзоланади.