"Навбаҳор" ўртоқлик учрашувида "Рубин"га олтита гол урди

Биринчи лига вакили бўлган Тошкентнинг "Рубин" клуби билан кечган ўйинда Нўъмон Ҳасанов шогирдлари катта ташаббусга эга бўлишди ва буни ҳисобда ҳам акс эттиришди. Мураббийлар штаби илк дақиқалардан аралаш таркибни синовдан ўтказиш билан бир қаторда янги фуболчиларга ҳам имконият берилди. Ўйин давомида ҳар томонлама рақибидан устун келган "лочинлар" олтита гол фарқи билан ғалабани тантана қилишди. Голларга эса Шерзод Ғуломжонов, Азиз Турғунбоев (дубль), Азим Аҳмедов (пенальти), Забихилло Ўринбоев, Мирзоҳид Ғофуровлар муаллифлик қилди. Биринчи бўлим аввалида "Рубин" футболчиси пенальтини голга айлантира олмади. Иккинчи бўлимда эса қатор вазиятлардан фойдаланишда футболчиларга аниқлик етишмади. 

Ўртоқлик учрашуви

"Навбаҳор" - "Рубин" 6:0

Голлар: Шерзод Ғуломжонов, Азиз Турғунбоев (дубль), Азим Аҳмедов, Мирзоҳид Ғофуров, Забихилло Ўринбоев

"Навбаҳор": Ислом Абдуллахонов, Шаҳзод Ҳамидов, Мирзоҳид Мирзамаҳмудов, Хушнуд Авилов, Игорь Голбан, Мирзоҳид Ғофуров, Улуғбек Акназаров, Шерзод Ғуломжонов, Иван Соловьёв, Азиз Турғунбоев, Шоҳруҳ Маҳмудхожиев

Захира: Ўткир Юсупов, Аббос Ғуломов, Азим Аҳмедов, Қувондиқ Рўзиев, Забихилло Ўринбоев, Марко Путинканин, Никола Тасич, Баҳром Абдурахимов, Сардор Тельяков, Ислом Исоқжонов

Бироздан сўнг Шоҳруҳ Маҳмудхожиев ва Иван Соловьёв билан уюштирилган кичик интервьюни эътиборингизга ҳавола этамиз. Бизни кузатишда давом этинг!