Татаристонлик мутахассис бош мураббий лавозимида Ёрқин Назаров ўрнини эгаллайди.
Қарор Ўзбекистон Кубогининг "Пахтакор"га қарши муҳим ўйини олдидан қабул қилинди. Ўйин 27 май куни Тошкентдаги "Пахтакор" марказий стадионида бўлиб ўтади.
Уткульбаев Марказий Осиё футболи ва минтақанинг футбол муҳити билан яхши таниш. У фаолиятининг катта қисмини Қурбон Бердиев ва Муҳсин Муҳаммадиев даврида ишлаган "Рубин" жамоасида ўтказган. Ўша йилларда ўзбекистонлик Вагиз Галиулин, Вадим Афонин, Андрей Фёдоров ва Марат Бикмаев каби футболчилар ўйнаган.
Уткульбаев 2015 йил "Актобе" бош мураббийи сифатида фаолият юритган. Кейинроқ "Нефтехимик"да ишлаган.
