"Навбаҳор": Навбатдаги ўйин “Металлург” билан

Футболчилар бугун ҳам икки маҳаллик машғулотларда қатнашишди. Дастлабки машғулот эрталаб “Бунёдкор” футбол клуби академияси майдонида ташкил этилди. Кечки пайт эса жамоа аъзолари “Пахтакор” ўйингоҳининг захира майдонида шуғулланишди. Таркиб борасида гап кетганида, бугун бу борада ҳеч қандай ўзгариш бўлмади. Аввал хабар бериб ўтканимиздек, пойтахт йиғини давомида бир қатор назорат ўйинларини ўтказиш режалаштирилганди. "Навбаҳор" навбатдаги учрашувни 23 январь куни Бекободнинг “Металлург” клубига қарши ўтказадиган бўлди.

Эслатиб ўтамиз, Тошкентдаги йиғиндаги илк ўйинда “Навбаҳор” Қаршининг “Насаф” клуби билан баҳс юритиб, 1:2 ҳисобида имкониятни бой берганди.