Ўзбекистон чемпионати якунланишига бир нечта тур қолганида наманганликлар ОЧЛ йўлланмасини қўлга киритишди. "Лочинлар" камида тўртинчи ўринни эгаллашади. Ҳозирча улар турнирни гуруҳ босқичи ёки плей-офф ўйинларидан бошлаши аниқ эмас. Айни дамда фақат "Насаф" гуруҳ босқичига йўлланмани қўлга киритган. Иккинчи тўғридан-тўғри йўлланма мамлакат лигаси ғолиби ёки "Насаф" чемпион бўлган тақдирда кумуш медаллари соҳибига насиб этади.
