Eronlik yarim himoyachilarning harakatlari manzur kelmaganligi bois, murabbiylar shtabi Neisarikoli Muxsin va Javadigalingeshlagi Sajadlarga javob berishdi.
Ertaga "Navbahor" xorijdagi ilk nazorat uchrashuvini o'tkazadi. Dastlabki raqib "TSQ-Tavriya" jamoasi bo'ladi. Qrimda ikkita "Tavriya" nomli jamoa bor. Biri Ukraina birinchiligida o'ynasa, yana biri Qrim chempionatida o'ynaydi. Namangan klubi aynan Qrim birinchiligida ishtirok etuvchi jamoa bilan o'ynaydi.
"TSQ-Tavriya" (Tavriya-Simferopol-Qrim) jamoasi bilan nazorat uchrashuvi ertaga, 24 yanvar kuni Evpatoriyadagi "Qrim Arena" o'yingohida bo'lib o'tadi. Uchrashuv mahalliy vaqt bilan 15:00 (Toshkent vaqti bilan 17:00)da start oladi.
