UZ

Сўнгги янгиликлар

02:32ЛаЛига. "Барселона" Мадридда дуранг ўйнади  21 01:42А Серия. "Интер" ўз майдонида ютқазди, "Лацио"дан йирик ғалаба  1 01:15АПЛ. Эмилиано Мартинес қайдномага киритилмаган ўйинда "Астон Вилла" ўз майдонида йирик ҳисобда ютқазди  0 00:52Давид Райя: "Янги тўплар эскисидан фарқ қилади"  2 00:14Бундеслига. "Боруссия" Д йирик ғалабага эришди  0 23:45А Серия. "Ювентус" 2-турда ҳам ғалабага эришди  3 23:30Абдуқодир Ҳусанов "CAFA Nations Cup" мусобақасида ўйнайдими?  3 23:08Туркия. "Истанбул Башакшеҳир" ўз майдонида "Эйюпспор"ни мағлуб қила олмади  36 22:55"Севинч" тарих яратди ва ОЧЛга йўлланма олди!  5 22:40Пеп Гвардиола: "Балки Ҳусанов жароҳат олмаганида ютқазмаган бўлардик"  22 22:25АПЛ. "Ливерпуль" Собослаининг суперголи эвазига "Арсенал"ни мағлуб қилди  40 21:53"Манчестер Юнайтед" янги дарвозабони билан келишувга эришди  10 21:45АПЛ. "Брайтон" - "Манчестер Сити" 2:1  1 21:35Родри: "Мен Месси эмасман"  14 21:11"Арсенал" ҳар турда йўқотишларга учрамоқда  1

"Насаф"да муҳим ўйин олдидан жиддий йўқотишлар мавжуд Янгиликлар

"Насаф"да муҳим ўйин олдидан жиддий йўқотишлар мавжуд

Теглар :  НасафОЧЛ
Қаршининг "Насаф" жамоаси ОЧЛ доирасидаги 1-турни меҳмонда Саудия Арабистонида "Ал Аҳли"га қарши ўтказади.


"Насаф" жамоаси ўз сафига черногориялик ҳимоячи Деян Больевични қўшиб олганидан хабарингиз бор. Ушбу ҳимоячи 16 февраль куни тиббий кўрикдан муваффақиятли ўтганди ва томонлар шундан сўнг расман шартнома имзолашган. "Насаф" жамоаси расмий сайти берган маълумотга кўра, чап қанот ҳимоячиси Деян Больевич ОЧЛ заявкасидан ўрин олмаган. Маълум бўлишича, "Насаф" клуби легионер ҳимоячини ОЧЛ заявкасидан ўтказишга улгурмай қолган.

Маълумот ўрнида: ОЧЛга заявка қилиш муддати 17 февраль кеч соат 21:00га қадар давом этган. (Деян Больевич эса 16 февраль куни "аждарлар" билан шартнома имзолагани айтилганди).

"Насаф" жамоаси расмий сайти берган хабарга кўра, "Ал Аҳли" билан бўладиган ўйинга кетган футболчилар рўйхатидан чап қанот ҳимоячиси Сайдулло Раҳматов ўрин олмаган. Маълум бўлишича, футболчининг визаси ҳал этилмагани боис Сайдулло Раҳматов Жиддага учиб кетолмаган.

Демак "Насаф" жамоасининг иккита чап қанот ҳимоячиси ўз-ўзидан "Ал Аҳли" билан бўладиган баҳсда иштирок эта олишмайди. Деян Больевич эса камида гуруҳ босқичи якунига қадар ОЧЛда "аждарлар"га кўмаклаша олмайди.

"Насаф"нинг чап қанот ҳимоясида, чап қанот ярим ҳимоясида ҳаракат қиладиган Фарруҳ Сайфиев эса ҳали жароҳатидан фориғ бўлмаган ва футболчи ҳозирда жамоа билан бирга эмас.

Рўзиқул Бердиев қўл остида айни пайтда чап қанот ҳимоясида ўйнай оладиган футболчи йўқ. Ўтган йилги ОЧЛ мусобақасининг гуруҳ босқичи сўнгги турида "Насаф"нинг айнан "Ал Аҳли"га қарши Қаршидаги учрашувида Баҳром Абдурахимов қизил карточка олганди. Эндиликда футболчи бу йилги ОЧЛ 1-тур ўйинини ҳам ўтказиб юборишга мажбур. Суперкубок ўйинида Рўзиқул Бердиев чап қанот ярим ҳимоя чизиғини айнан шу футболчи орқали беркита олган эди.

Демак "Насаф" жамоаси "Ал Аҳли" билан бўладиган муҳим ўйин олдидан жуда жиддий йўқотишларга эга.

Катта эҳтимол билан чап қанот ҳимоячи сифатида Мақсуд Каримов, марказий ҳимояда эса Шерзод Аъзамовга Илдар Маматказин кўмаклашиши мумкин. Чап қанот ярим ҳимоясида эса Азиз Ғаниев ёки Илҳом Шомуродов ҳаракатланиши эҳтимоли юқори. 

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика