"Насаф": Клубимизга лицензиялаш бўйича ОФК комиссияси ташриф буюрди

Ушбу комиссияга ОФКнинг лицензиялаш бўйича бўлим бошлиғи Васудеван Наир Махажан (Ҳиндистон) раҳбарлик қилмоқда.
 
Лицензиялаш комиссияси аъзолари клубимиз қошидаги футбол академиясини, “Марказий” стадионни ва “Насаф” жамоасининг қароргоҳини кўздан кечирдилар. Шунингдек текширув комиссияси клубимизга оид  ҳужжатлар билан ҳам танишиб чиқдилар.

Жаноб Васудеванга ПФЛ спорт бўлими бошлиғи Алексей Фролов ва ПФЛ етакчи мутахасиси Бахтиёр Маметовлар ҳамкорлик қилишди.

Комиссия аъзолари бугун кечки пайт Қаршидан Тошкент шаҳрига жўнаб кетишади.