"Насаф" афсонаси жамоани тарк этади

Яқиндагина жамоани бир қатор футболчилар тарк этган эди.

Маълумотларга кўра, "Насаф"да 10 йилдан буён фаолият кўрсатиб келган тажрибали ҳимоячи Мақсуд Каримов билан клуб шартномани узайтирмаган. Айни пайтда ҳимоячи машғулотларда иштирок этмаяпти.

М.Каримовга Муборакнинг "Машъал" жамоаси қизиқиш билдирмоқда.

"Насаф"да Рўзиқул Бердиев билан бирга ўйнаган, ОФК Кубогини қўлга киритган ва 2015 йилда Ўзбекистон кубоги соҳибига айланган футболчи 10 йиллик фаолиятидан сўнг қаршиликлар билан хайрлашиши мумкин.

Клуб расмий хабарларида янги келган ўйинчилар ҳақида маълумотлар бор. Лекин, жамоани тарк этган Фарруҳ Сайфиев, Акмал Шораҳмедов, Баҳром Абдураҳимов, Дилшод Раҳматуллаевлар, шунингдек "аждарлар" сафини тарк этаётган футболчилар ҳақида ҳеч қандай маълумотлар йўқ.