"Наполи" етакчиси билан шартнома борасида келиша олмаяпти

"Наполи" ва Дрес Мертенс ўртасида бўлаётган музокаралар боши берк кўчага кириб қолди. Клуб хўжайини Аурелио Де Лаурентис жамоанинг энг яхши футболчиларидан бири билан шартномани узайтириш борасида келиша олмаяпти. Мертенс футболчилардан олинаётган жарималар хайрия йўлларига ишлатилиши кераклигини талаб қилган, бироқ президентга бу маъқул келмаган.

Шунингдек, томонлар маошни ҳам келиша олишмаган. Шу боисдан 32 ёшли Мертенс ёзда бошқа жамоага ўтиши аниқлашмоқда. Унинг хизматларига "Интер", "Челси", "Манчестер Юнайтед" ва "Арсенал" каби клублардан қизиқишлар бор.