Мухлисларга мурожаат! Гейнрих билан хайрлашув учрашуви ташкил қилинишини истайсизми?

Биз ҳам ўз қаҳрамонларимизни мана шундай тарзда кузатсак ёмон бўлмас эди.

Бизда сўнгги маротаба Улуғбек Бақоев, Виктор Карпенко ва Максим Шацкихнинг хайрлашув учрашуви бўлиб ўтганди. ЖАР стадионида бўлиб ўтган ўйинда Ўзбекистон терма жамоаси Уммонга қарши баҳсда майдонга чиққан ва бу уч қаҳрамон бир бўлим майдонда тўп тепган эди.

Хайрлашув ўйини аниқ сценарийсиз ҳақиқий ҳашар йўли билан ўтказилган эди. Шундан кейин МТЖ билан Тимур Кападзе ва Александр Гейнрих ҳам хайрлашди. Кападзе мухлислар қаршисида хайрлашишни жуда истади, лекин унга имконият беришмади. Гейнрихни ҳам унутдик.

Гейнрих бизга кўп ҳолларда қувончли ғалабаларни тақдим этган. Фикримизча у бунга муносиб. Октябрь ойида Ўзбекистон миллий терма жамоаси иккита учрашув ўтказади. Майли Гейнрих ўйин қайдномасига киритилмасин. Лекин чиройли тадбирча қилган ҳолда хайрлашув учрашувни ташкил қилсак бўлади.

Стадион мониторида таъсирли видео, буни "Championat.asia" қойиллатиб қилиб бера олади. Юқоридаги ТРИОнинг видеоси сайтимиз томонидан тақдим этилган эди.

Гейнрих бунга ҳақли, яқин орада унинг савиясида ҳужумчи чиқадими йўқми билмаймиз. Гейних мисолида биз кўплаб ёшларга наъмуна бўламиз. Қолаверса, бу ҳам ЎФА томонидан олдинга ташланган бир қадам бўлар эди.

Мухлислар бунга қандай қарайди?