UZ

Сўнгги янгиликлар

00:03"Арсенал" бир сабабга кўра "Реал"дан Родригони сотиб ололмаслиги мумкин  0 23:20"Интер" — "Урава Ред Даймондс". Таркиблар маълум  1 23:11КЖЧ. "Боруссия Дортмунд" ва "Мамелоди Сандаунз" ўртасидаги ўйинда еттита гол урилди  0 22:43Фоден мураббий бўлишни хоҳлайди  1 22:03Суперлига. "Навбаҳор" Наманганда ОКМКни йирик ҳисобда мағлуб этди ва жадвалдаги очколар фарқини қисқартириб олди  83 21:38"Милан" ёш испан футболчисини ўз сафига қўшиб олмоқчи  0 20:48"Барселона" чемпионлик учун қанча мукофот пули тўлаши маълум бўлди  14 20:18Клублар ўртасидаги ЖЧ. "Мамелоди Сандаунс" - "Боруссия" Д. Асосий таркиблар маълум!  1 19:59Про-лига. "ФарДУ" тезкор гол эвазига "Олимпик"ни мағлуб қилди  0 19:23"Реал"га Родри керак  6 18:54"Манчестер Сити" Гвардиолага ўринбосар топиб қўйди  7 18:24Энцо Мареска: "Ўйин услубини ўзгартирамиз"  2 17:53Ислом Исмоилов: "Чили ва Боливия билан ўйинлар жуда керакли тажриба бўлди"  8 17:50Мавсумдаги энг яхши ўртача томошабинлар рейтинги эълон қилинди, Жанубий Америка етакчи, "Барселона" 35-ўринда  13 17:10"Бавария" "Барселона"дан Нико Уильямсни илиб кетишга тайёрланмоқда  2

Мурод Алиев: Нормативлар футболимиз ривожи учун керак Янгиликлар

Мурод Алиев: Нормативлар футболимиз ривожи учун керак

«Бунёдкор» клуби бош директори Мурод Алиев Ўзбекистон Футбол Федерацияси томонидан амалга оширилаётган чора-тадбирлар, ислоҳотлар ҳақида ўз фикрини билдириб ўтди.

“Ўзбекистон Футбол Федерацияси раҳбариятининг асосий мақсади битта – бу ҳам бўлса юртимизда футболни ривожлантириш. Ана шу йўлда федерация раҳбарияти томонидан бир қатор ислоҳотлар ўтказилмоқда. Клублар, мураббийлар, футболчилар олдига жиддий талаблар қўйилмоқда. Бир томондан олиб қараганда, бу талаблар жуда ҳам қатъийдек туюлади. Бошқа томондан эса бу талаблар ўринли. Ўтган 26 йил давомида терма жамоамиз Жаҳон чемпионати ва Олимпиадага чиқа олмади. Вақт ўтяпти, мухлислар кутяпти, халқ кутяпти, лекин натижа йўқ. Вазиятнинг ўзи ўзгаришларни талаб қилмоқда.

Масалан, клубларни лицензиялаш бўйича қўйилаётган талаблардан бири бу ҳар бир клубнинг ўз академияси бўлиши. Бу жуда тўғри талаб. Ҳозирги кунда ёш футболчиларимизни маҳоратини оширмасак, уларни тўғри саралаб ололмасак, яхши натижага эришиб бўлмайди.

Яна бир масала, Суперлигада 12та клубнинг иштирок этиши. Бу чемпионатимизнинг савиясини ошириш мақсадида амалга оширилаётган ислоҳот. Миллий чемпионатимизда иштирок этаётган айрим жамоаларда форматнинг ўзгариши нега олдинроқ эълон қилинмади, деган маънода эътироз бўляпти. Шу ўринда савол туғилади. Агар мавсум якуни бўйича Олий лигада 12та жамоа қолиши аввалроқ эълон қилинганда, “Нефтчи” каби қуйи ўринларда бораётган жамоалар бошқачароқ ўйин намойиш қилган бўлармиди? Ҳар бир жамоа профессионалликка интилиб, ўзи иштирок этаётган чемпионатда фақат юқори ўринлар учун курашиши керакмасми?



Ўзбекистон Футбол Федерацияси томонидан амалга оширилаётган ислоҳотлардан яна бири бу Суперлигада иштирок этадиган жамоа футболчиларидан нормативлар қабул қилиш. Бундай нормативларни қабул қилиш, футболчилар жисмоний ҳолатини назорат қилиш умуман олганда биринчи навбатда ҳар бир жамоанинг ўзи учун муҳим. Охирги ўйинлар футболчиларнинг жисмоний тайёргарлиги паст эканини кўрсатиб бермоқда. Шундан хулоса қилиб айтадиган бўлсак, нормативлар футболимиз ривожи учун керак.

Келаси мавсумда бизни янгиланган чемпионат кутмоқда. Мен шу ўринда мухлисларга мурожаат қилмоқчиман. Стадионларга келинглар, футбол биринчи навбатда Сиз мухлислар учун. Тўғри, баъзан Сиз мухлислик қиладиган жамоангиз мағлубиятга учраши, кутилган натижани қайд қила олмаслиги мумкин. Мана шундай пайтларда мухлисларнинг қўллаб-қувватлаши жуда муҳим. Футбол барибир мухлислар билан гўзал”, - дейди “Бунёдкор” клуби бош директори Мурод Алиев.


Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика