Муҳаммадали Ўринбоев Аргентина, Уругвайга қарши кечган учрашувлар ва Осиё кубоги ҳақида фикр билдирди

Биринчи иккита ўйинга келадиган бўлсак, Аргентинага қарши баҳснинг биринчи учрашувида мағлуб бўлдик, иккинчи ўйинда эса хатоларни таҳлил қилдик ва бошқача ўйин кўрсатдик. Иккинчи учрашув анча қизиқарли бўлди, болаларнинг барчаси максимал даражада ҳаракат қилишди.

Уругвайга қарши учрашувда ҳисобни очдик ва ғалабага яқин келгандик, бироқ сўнгги дақиқаларда пенальтидан гол ўтказиб юбордик. Менимча, ушбу баҳсда ғалаба лойиқ эдик.

Ўйлашимча эртанги ўйинга тайёр бўламиз ва Уругвайни мағлуб этишга ҳаракат қиламиз.

Олдимизга Осиё кубоги бор. Ушбу мусобақага жиддий тайёргарлик олиб борилмоқда. Мақсадимиз — мусобақада ғалаба қозониш. Ўйлашимча биз буни уддалай оламиз, сабаби жамоамиз анча кучли футболчилардан иборат.