Мойзе Кин Италия терма жамоаси ихтиёрини тарк этди
25 мар 2021 00:34
Янгиликлар
ПСЖ ҳужумчиси Мойзе Кин 2022 йилги жаҳон чемпионати саралаш босқичининг дастлабки ўйинларида Италия термасига ёрдам бера олмайди. Бу ҳақда Италия футбол федерацияси матбуот хизмати хабар берди.
21 ёшли ҳужумчида чарчоқ аломатлари сезилган, шу сабабли Роберто Манчини бошчилигидаги мураббийлар штаби футболчини ПСЖ ихтиёрига қайтаришга қарор қилди.
Шундай қилиб, Кин Италия терма жамоасининг Шимолий Ирландия, Болгария ва Литвага қарши ўйинларини ўтказиб юборади.
Кин жорий мавсумда парижликлар билан 29 учрашув ўтказиб, 15 та гол урган ва 1 та голга ассистентлик қилган.
Роберто Манчини шогирдлари илк учрашувини бугун, 25 март куни Шимолий Ирландияга қарши ўтказишади. Учрашув соат 00:45 да бошланади.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар