Моуриньо - "Арсенал"га қарши ўйиндан олдин: "Мен ҳақимда негатив фикрлар ёзишни ёқтирасиз"

Учрашувдан олдин Жозе Моуриньо шундай фикрлар билдирди.

"Бунгача нималар деганимни барчангиз яхши биласиз. Сизлар мен ҳақимда негатив фикрлар ёзишни яхши кўрасиз. Барча Салоҳни мен сотиб олганлигимни эслайди. Аниқроғи, жаноб Абрамовичнинг пулларига. "Челси"да ишлаганимда у "Базел"да эди. Мен ҳар доим ўз қўл остимдаги футболчиларга жавобгарман. У мен бош мураббий бўлган вақтимда жамоага борди.

Демак, уни мен сотиб олганман. Трансфергача биз "Базель" билан икки учрашув ўтказгандик, у бизга қарши майдонга тушганди. Рақибни таҳлил қилар эканман, унинг ўйинларини алоҳида кузатдим ва раҳбариятга фантастик ёш футболчини трансфер қилиш кераклигини айтдим. У ёш бўлганлиги учун жамоада ўйнай олмади. Энди мен ҳақимда негатив фикр билдириш шарт эмасдир. Ҳақиқат шундай.

Санчес? У Англияда бир неча йиллардан буён тўп тепмоқда. Шу боисдан унинг қандай салоҳиятга эга эканлигини биламиз. Шуни билган ҳолда уни трансфер қилиш учун курашдик. Илк кунларданоқ у бизнинг клубга мос тушишини сездим. Унинг қобилияти ва менталитети ҳам жамоа учун бирдек келди. Бизга кўпроқ тажрибали, агрессив футболчилар керак эди. Уни эртами кеч қўлга киритишимиз аниқ бўлганди.

Гапиришда давом этаман, қишки трансферларга унчалик хушим йўқ, бироқ ҳолат шундай эди: "Ҳозир ёки ҳеч қачон". Биз "Ҳозир"ни танладик. Алексис жамоага мавсумнинг ярмидан келиб қўшилди ва албатта бу бизнинг фойдамизга хизмат қилмоқда. У кейинги мавсумга қадар яхши тайёрланади ва фантастик футболчига айланади.

Идеал якун? Ўтган сафар ҳам айтганимдек, бу мавсум биз учун олдингисидан яхшироқ ўтмоқда. Биз яна Англия кубоги финалидамиз ва узоқ муддатдан кейин йилни иккинчи поғонада якунлашга яқин турибмиз. Олдингига қараганда кўпроқ ғалабага эришдик, кўпроқ очко тўпладик. Тўғри ҳар доим ҳам барқарор ўйнамадик, бироқ керакли баҳсларда ажойиб ўйин намойиш қилдик. Жамоа яхшигина ривожланишга эришдик", - деди Моуриньо.