Модрич Брозовични "Реал"га ўтишга кўндира олмади
16 мар 2022 19:32
Янгиликлар

Модрич Брозовични "Реал"га ўтишга кўндира олмади

"Реал" ярим ҳимоячиси Лука Модрич клуб ва "Интер" футболчиси Марсело Брозович ўртасидаги музокараларда иштирок этди.

Манбанинг таъкидлашича, 29 ёшли ярим ҳимоячи музокаралар жараёнида ҳамюрти Модрич иштирок этганига қарамай, "Интер" билан шартномасини узайтиришга қарор қилган. Қайд этилишича, Хорватия терма жамоаси сардори Брозовични "Реал"га ўтишга кўндиришга уринган, бироқ у рад жавобини берган.

Италия ОАВлари Брозовичнинг янги шартномасида йилига 6 миллион евро янги маош кўзда тутилгани ва бу битим 2026 йилгача амал қилиши ҳақида ёзишган.

29 ёшли хорватиялик футболчи 2014/15 йилги мавсумда "Интер" сафига Загребнинг "Динамо"сидан келиб қўшилганди.

Жорий мавсумда у Италия чемпионатида 26 ўйин ўтказиб, битта голли узатмани амалга оширди.

Ҳавола :

Манба : Tuttosport

Янгиликларни Телеграмда ўқинг!

Рейтинг: +2