Месси Аргентина терма жамоаси аъзолари учун 35 та олтин iPhone буюртма қилди

Футбол афсонаси Лионель Месси Қатар-2022 финалида Франция устидан қозонилган тарихий ғалабада иштирок этган Аргентина терма жамоаси аъзолари ва ходимларининг ҳар бир аъзоси учун 35 та олтин iPhone буюртма қилгани маълум бўлди.

Қиймати 175 000 фунт стерлингга баҳоланган 24 каратли тилла билан қопланган смартфонларда футболчиларнинг исмлари, рақамлари ва Аргентина терма жамоаси логотипи ўйиб ёзилган. Манбанинг таъкидлашича, Месси ушбу лаҳзани нишонлаш учун ўзгача ва ранг-баранг иш қилмоқчи бўлган. У тадбиркор Бен Лайонс билан боғланди ва улар биргаликда дизайнни ишлаб чиқдилар.

"У ажойиб ғалабани нишонлаш учун барча ўйинчилар ва ходимларга махсус совға тақдим қилмоқчи эканлигини айтди, лекин у бу нарса одатий совға – соат бўлишини хоҳламади. Мен исмлар ёзилган тилла iPhone'ларни таклиф қилдим ва бу ғоя унга ёқди", – деди Бен Лайонс.

Аргентина ЖЧ-2022 финалида Францияни мағлуб этди. Месси учун бу унинг фаолиятидаги бешинчи чемпионат эди, аммо бу сафар у биринчи ўринни эгаллашга муваффақ бўлди.