UZ

Сўнгги янгиликлар

23:37БАА футбол федерацияси ёшини сохталаштирган 18 нафар мисрлик футболчини депортация қилди  0 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  9 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  0 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  0 20:00Руслан Аҳмедов: "Биз натижа учун ўйнаяпмиз. Чиройли ўйин иккинчи даражали"  1 19:50Улуғбек Бақоев: "Футболда шунақаси ҳам бўлиб туради"  14 19:33Кварацхелия "Наполи"дан кетмоқчи эмас  2

Месси, Агуэро, Озил ва Алаба: 2021 йил ёзида эркин агентга айланадиган топ футболчилар Янгиликлар

Месси, Агуэро, Озил ва Алаба: 2021 йил ёзида эркин агентга айланадиган топ футболчилар

Коронавирус билан боғлиқ молиявий тангликка қарамай, Европанинг кучли 5 лигасининг етакчи клублари сўнгги трансфер ойнасида тахминан 4.6 млрд евро сарфлашди.

Бу жуда катта сумма, аммо 2019 йилги ёзги трансфер айланмасидан 43%га кам. Келаси йили эркин агентга айланадиган футболчилар трансфер бозорида янада аҳамиятли бўлади: агар улар яқин ойлар ичида Анхель Ди Мария ПСЖ билан шартномани 2023 йилгача узайтиргани (ҳали расман эълон қилинмади) каби йўл тутмаса, улар учун ҳақиқий жанг бўлиши аниқ.

Қуйидаги 10та топ ўйинчилар январь ойидан бошлаб турли клублар билан расман музокара ўтказиши ва ҳаттоки, 2021 йил 1 июлдан кучга кирадиган шартнома имзолашлари мумкин бўлади.


10-ўрин. Месут Озил ("Арсенал"; Германия; 31 ёш)

2013 йил 44 млн евро эвазига Озил "Реал"дан ўтди — бу "Арсенал"нинг энг муваффақиятли трансфери бўлди. Аммо 2018 йил у билан битимни узайтириш катта хато бўлганди. Ҳафтасига 350 минг фунт топадиган ярим ҳимоячи кўп жароҳат олди, формаси бузилди, мотивацияни йўқотди. Шу туфайли, клуб ундан қутула олмай ҳалак бўлса-да, майдонга тушмай ойлигини олмоқда, қўшимчасига содиқлиги учун бонус пулларига эга бўляпти. Эҳтимол, Озил футболчи сифатида салоҳиятини йўқотиб бўлгандир ёки унинг бундай кайфияти фақат "Арсенал" билан боғлиқдир.

9-ўрин. Аркадиуш Милик ("Наполи"; Польша; 26 ёш)

Милик "Ювентус", "Рома", "Тоттенхэм", ПСЖ, "Фиорентина" ёки "Валенсия"га ўтиши мумкин эди, аммо тушунарсиз йўл тутди: "Наполи" билан шартномани узайтиришдан бош тортди, лекин бошқа клубга ўтиш имкониятини ҳам қўлдан бой берди. Натижада Польша термаси ҳужумчиси январгача "Наполи"дан алоҳида машғулот ўтказади. Ҳа, "Сан-Паоло"да унинг келажаги йўқлиги аниқ.


8-ўрин. Жоржиньо Вейналдум ("Ливерпуль"; Нидерландия; 29 ёш)

Голландиялик ўйинчи Куман раҳбарлиги остидаги "Барселона"да тўп тепиши мумкин эди, бироқ Юрген Клопп футболчини "Энфилд"да қолишга кўндирди. Вейналдум бу маслаҳатга қулоқ солди, аммо "Ливерпуль" билан янги шартнома имзолашга ҳам шошилмаяпти.


7-ўрин. Мемфис Депай ("Лион"; Нидерландия; 26 ёш)

Агар Вейналдум "Камп Ноу"га ўтиши футболчининг рад жавоби билан якунига етган бўлса, бошқа бир голландиялик "Барса" билан битим имзолашга анча яқин турганди. Шу билан бирга, Мемфис "Лион" билан шартнома муддатини узайтиришдан бош тортди ва каталонлар унга қизиқишда давом этади деб ҳисобламоқда. Нима бўлса-да, Депай француз клубидан кетиш ниятида ва ўзини Европа гранди таркибида синаб кўрмоқчи.

6-ўрин. Юлиан Дракслер (ПСЖ; Германия; 27 ёш)

Бир неча йил аввал Дракслер сайёрамизнинг энг яхши ёш ўйинчиларидан бири саналарди, аммо ПСЖга ўтиб, карьерасини барбод қилди. Шу сабабли, навбатдаги клубини ақл билан танлашига умид қиламиз. Ёзда немис "Лидс" ёки "Герта"га ўтиши мумкин дейишган эди, бироқ амалда ҳеч қандай натижа бўлмади. Юлиан эркин агентга айланиб, бир нечта вариантдан бирини танлаши мумкин бўлган вақтни кутмоқда.


5-ўрин. Жанлуижжи Доннарумма ("Милан"; Италия; 21 ёш)

Доннарумма атиги 21 ёш бўлишига қарамай, 5та тўлиқ мавсум ўтказиб, 200дан ортиқ ўйинда майдонга тушишга улгурди. "Милан" ҳали голкипер орзулари амалга ошишида ёрдам беролганича йўқ — Скудетто учун кураш, Чемпионлар Лигасига мунтазам чиқишлар ва топ-клубдаги яна бошқа бир қатор афзалликлар. Жамоанинг бу мавсумдаги иштироки муҳим аҳамиятга эга: агар "Милан" яна 5-7 ўрин атрофида "ўралашиб" юрса, Жижжи орзуларига эришиш учун клубдан кетиши аниқ бўлади.


4-ўрин. Поль Погба ("Манчестер Юнайтед"; Франция; 27 ёш)

Погба — келажаги чексиз тортишувларга сабаб бўладиган футболчи. "Реал Мадрид" ва "Ювентус" вазиятни жиддий равишда кузатиб бормоқда. Ҳар икки клуб "Манчестер Юнайтед"га бир тийин тўламай, футболчини олиб кетишга қарши эмас. Французнинг ҳозирги клуби билан алоқаларини яхши дейиш қийин. Қолаверса, шу кунларда Погба "Реал"да ўйнаш истаги борлигини маълум қилди. Зидан эса ватандоши ҳақида ижобий фикрда экани ҳеч кимга сир эмас.

3-ўрин. Серхио Агуэро ("Манчестер Сити"; Аргентина; 32 ёш)

Аргентиналик ҳужумчи мана 10 йилдирки, "Сити" сафида тўп тепиб, "шаҳарликлар" афсонасига айланиб улгурди. Шунингдек, самарали статистикаси билан ҳам бемалол мақтаниши мумкин: 370 ўйинда 254та гол. Шунга қарамай, "Манчестер Сити" Серхиога янги шартнома таклиф қилмади, эҳтимол, келаси йил Лионель Месси билан шартнома имзолаш истаги борлиги учундир?! Лекин Агуэро ишсиз қолиб кетмаслиги аниқ, сабаби "Интер" ва бошқа жамоалар унга катта қизиқиш билдирмоқда.


2-ўрин. Давид Алаба ("Бавария"; Австрия; 28 ёш)

Алаба 2008 йилдан буён "Бавария" сафида тўп тепиб, жуда кўп совринларни қўлга киритди, шу жумладан Чемпионлар Лигаси мукофотини ҳам. Аммо бу мавсум австриялик учун Мюнхендаги охиргиси бўлиши мумкин. Янги шартнома имзоланмади, аввалроқ эса "Бавария" собиқ президенти Ули Хенесс ўйинчининг агенти Пини Захавини "пул ейдиган пиранья" деб атаганди. Бу гап Давид билан музокаралар вақтида, вакил футболчининг маошини 25 млн евро қилиб беришларини талаб қилганда айтилганди. Афтидан, у бундай пулга фақат "Манчестер Сити"да ёки Месси кетганидан кейин "Барселона"да эга бўлса керак...


1-ўрин. Лионель Месси ("Барселона"; Аргентина; 33 ёш)

Бу ҳикоя ҳали якунланмади ва Месси "Барселона"да қолди, аммо кейинроқ 13 ёшидан буён шарафини ҳимоя қилаётган клубни кейинги йил тарк этиш учун қолди. Бу энди Лионель учун принципиал вазият, сабаби у клуб раҳбариятининг ўзига бўлган муносабатидан қаттиқ ранжиди. Катта эҳтимол билан, Лео "Манчестер Сити"га Гвардиоланинг олдига боради, буни шунчаки маълум вақт кутиб турсак етарли.


Нозима Зарипова таржимаси

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика