Россия Федерациясининг Сочи шаҳрида меҳрибонлик уйи тарбияланувчиларидан иборат жамоалар ўртасида халқаро Суперкубок мусобақаси бўлиб ўтмоқда. Ушбу мусобақада Жамшид Асадов бошчилигидаги Ўзбекистон терма жамоаси ҳам қатнашмоқда. Турнир регламентига мувофиқ унда 2004-2005 йилларда туғилган футболчилар тўп суради.
Россия, Туркия, Ўзбекистон ва Каталония терма жамоалари ҳам иштирок этааётган Халқаро Суперкубок мусобақасида дастлабки учрашувлар ўтказилиб, финалчилар аниқланди. Унга кўра, “Галактика” (0:1), “Атлетик” (3:0), “Интер” (1:0), “Цумада” (4:1) жамоалари билан баҳс олиб борган ўзбекистонлик футболчилар финалда россиялик тенгқурларига қарши майдонга чиқадиган бўлишди. Финал учрашуви эса бугун ўтказилади.
