"Машъал" ёшлари ҳам, биринчи лигаси ҳам "Бухоро"ни мағлуб этди
12 янв 2015 13:28
Янгиликлар

"Машъал" ёшлари ҳам, биринчи лигаси ҳам "Бухоро"ни мағлуб этди

Кеча Бухородаги "Қурувчи" стадионида "Машъал"нинг икки жамоаси иккита назорат баҳсини ўтказди.

Биринчи бўлим майдонга "Бухоро" ёшлари ва биринчи лига вакили "Машъал-2" майдонга чиқишди. Ушбу баҳсда тўла устунлик билан "Машъал-2" ғалабага эришди. 3:1 ҳисобида якунланган учрашувда биринчи лига жамоамизни голларини Абдурасул Жўраев, Ойбек Жўраев, Сардор Сулаймоновлар киритишди. Дилшод Андаев шогирдлари 13 январ куни Тошкентда тиббий кўрикдан ўтади.

Назорат учрашуви
Бухоро. 11.01.2014

"Бухоро" (ёшлар) - "Машъал-2" (биринчи лига) 1:3
Голлар: Абдурасул Жўраев, Ойбек Жўраев, Сардор Сулаймонов

Иккинчи баҳс Жамшид Саидов шогирдлари ташаббуси билан бошланди. "Бухоро"нинг асосий таркибига қарши майдонга чиққан ёшларимиз кичик ҳисобда ғалаба билан баҳсни якунлади. 1:0 ҳисобида якунланган ўйинда ягона голни Марадона Сафаров киритди. Айтиб ўтиш жоизки, айни вақтда Саидов бошқарувидаги ушбу ёшлар таркибида бир қанча асосий таркиб футболчилари Янгиерда асосий таркиб билан машғулотларни олиб бормоқда.

Назорат учрашуви
Бухоро. 11.01.2014

"Бухоро" (асосий таркиб) - "Машъал" (ёшлар) 0:1
Гол: Марадона Сафаров

Биринчи лига ва ёшларимиз энди Тошкентда тиббий кўрикдан ўтади ва машғулотларни Муборакда давом эттиради.

Ҳавола :

Манба : fcmashal.uz

Янгиликларни Телеграмда ўқинг!

Рейтинг: