Марко Ройс: “Боруссия“ футболчилари стадиондаги барчадан узр сўрашлари керак“
23 ноя 2019 11:06
Янгиликлар

Марко Ройс: “Боруссия“ футболчилари стадиондаги барчадан узр сўрашлари керак“

Дортмунднинг “Боруссия“ клуби ярим ҳимоячиси Марко Ройс Германия чемпионатининг 12-туридан ўрин олган “Падерборн“га қарши ўйин натижаси ҳақида фикр билдирди.

Учрашув 3:3 ҳисобида якунланди. Биринчи бўлимдан кейин мезбонлар 0:3 ҳисобида имкониятни бой беришди. “Боруссия“ 90+3 дақиқада Ройснинг урган голи эвазига мағлубиятдан қутулиб қолди.

"Стадиондаги барчадан узр сўрашимиз керак. Иккинчи бўлимда биз ўз реакциямизни намойиш этишимиз кераклиги аниқ эди. Сиз йиқилганингизда вазиятни тўғирлаш учун борингизни берасиз. Мени урган голим қизиқтирмайди. Биринчи бўлимда нима бўлди? Биз бу ҳақда гаплашиб оламиз. Ҳаммамиз бир жамоа бўлиб кўпроқ ишлашимиз, биргаликда ҳужум қилишимиз ва биргаликда ҳимояланишимиз лозим“, - дейди Ройс “Боруссия“ расмий сайтига берган интервьюсида.

“Боруссия“ Бундеслигада бешинчи ўринга кўтарилди, “Падерборн“ эса сўнгги, 18-ўринни банд этиб турибди.

Ҳавола :

Манба : bvb.de

Янгиликларни Телеграмда ўқинг!

Рейтинг: +5