Мареска "Манчестер Сити"нинг молиявий қоидабузарликлари ҳақида: "Биз клубга тўлиқ ишонамиз"

8 окт 2026, 23:25
"Манчестер Сити" бош мураббийи Энцо Мареска клубнинг АПЛ молиявий қоидаларини бузгани билан боғлиқ иш юзасидан фикр билдирди.

У бу мавзу жамоага таъсир қилмаётганини таъкидлади.

"Ростини айтсам, шахсан ўзим жуда хотиржамман. Клуб бу масалага аниқ баҳо берди. Биз клубга тўлиқ ишонамиз. Атрофимизда шов-шув бўлиши муқаррарлигини тушунамиз, аммо биз учун энг муҳими — назорат қила оладиган нарсаларимиз. Биз фақат футбол билан боғлиқ жиҳатларни назорат қила оламиз.

Ҳозирги ҳиссиётлар ажойиб. Футболчилар кейинги икки учрашувни интиқлик билан кутмоқда. Айниқса, ҳозир чемпионатда пешқадамлик қилаётганимиз уларни руҳлантирмоқда. Футболчилар фақат шу ҳақда ўйлаяпти. Улар назорат қила оладиган ягона нарса футбол эканини яхши билишади ва бошқа масалалар уларни умуман қизиқтирмаяпти.

Футболчилар ўз касбини яхши билади ва атрофимизда шов-шув борлигини тушунади. Аммо бу уларни унчалик ташвишга солмаяпти. Ҳозир уларнинг бутун эътибори “Ливерпуль”нинг босимига қандай бардош бериш ва мухлислар билан биргаликда “Энфилд”да ғалаба қозонишга қаратилган", — деди Мареска клубнинг расмий сайтига берган интервьюсида.

"Манчестер Сити" АПЛдаги 5 та турдан сўнг 15 очко жамғариб, турнир жадвалида биринчи ўринни эгаллаб турибди.

Ўхшаш янгиликлар

Манба: Goal