Marca: "Реал" Рабьо трансферидан воз кечди
04 апр 2019 23:58
Янгиликлар

Marca: "Реал" Рабьо трансферидан воз кечди

ПСЖ ярим ҳимоячиси Адриен Рабьога "қироллик клуби" қизиқишини йўқотди.

Испан нашрининг маълумотига қараганда, 24 ёшли ярим ҳимоячи бугун эрталаб "Реал" билан оғзаки келишувга эришганди, аммо энди Зидан бошқараётган жамоа Рабьога қизиқмай қўйган.

Таъкидлаш жоиз, францияликнинг ПСЖ билан шартномаси жорий мавсум якунланганидан сўнг, ёзда якунига етади ва у эркин агент мақомида клубни тарк этиши мумкин.

Эслатиб ўтамиз, фаолияти давомида ўнг қанот ҳимоячи бўлиб ҳаракат қилган ва ҳозирда таянч ярим ҳимоячи футболчиси саналадиган Адриен Рабьо парижликлар сафида ушбу мавсумда Лига 1нинг 15 учрашувида майдонга тушиб, 2 та гол урди ва 1 та голли узатма муаллифига айланди.