Марадона қўли билан гол урган ўйинни бошқарган ҳакам билан учрашди
19 авг 2015 08:10
Янгиликлар

Марадона қўли билан гол урган ўйинни бошқарган ҳакам билан учрашди

Афсонавий Диего Марадона 1986 йилги Жаҳон чемпионати чорак финалида Англияга қарши ўйинда қўли билан гол урганини барча яхши билади.

«Дам олиш кунлари мен Тунисга бордим ва Али Бин-Носир билан учрашдим, у 1986 йил Мексикада ўтган Жаҳон чемпионатида Англияга қарши ўйинни бошқарганди.

Мен унга ўз футболкамни совға қилдим, у эса хона деворида осилиб турган суратни менга тақдим этди. Али — абадий дўстимдир», — деб ёзади Марадона ўзининг Facebook ижтимоий тармоғидаги саҳифасида.

Эслатиб ўтамиз, ўша ўйинда Марадона қўли билан гол урган, ҳакам эса буни кўрмай голни ҳисобга олганди.