"Манчестер Сити"дагилар Гвардиола билан шартномани узайтирмоқчи

"Факт шундаки, Пеп "Манчестер Сити"ни юқори даражага олиб чиқди ва ривожлантиришда давом эттирмоқда. Демак, у бу ердалигидан мамнун. Шунингдек, Пеп бизнинг жамоани бошқараётгани ҳам биз учун қулай. Гвардиола - дунёнинг энг яхши мураббийи, унинг "Манчестер Сити"да қолишини истаймиз.

Керакли пайтда шартнома борасида гаплашамиз. У билан яна бир неча йиллик шартнома имзолашга умид қиляпмиз. Гвардиоланинг жамоага берадиган эффекти жуда юқори. Демак, бизнинг позициямиз шундай. Энди буёғи Пепга боғлиқ", - деди Беррада.