UZ

Сўнгги янгиликлар

20:15"Барселона" "Реал"га қарши ўйинни декабрь ойида ўтказишга тайёр  0 19:55Карикатура: "Ливерпуль" рекорд натижа қайд этиши мумкин, МЮда эса яна бир муаммо  3 19:30Сурат биздан, изоҳ сиздан!  13 19:10Хамид Сахари карикатураси: Месси уйига фақат "Олтин бутса" олиб келмоқда  3 18:45"Интер" Алексиснинг жароҳати сабаб Россия чемпионатидаги ҳужумчига қизиқиб қолди  5 18:27Жозе Моуринью тез орада АПЛ клубига бош мураббий этиб тайинланиши мумкин  6 18:07Ўзбекистон кубоги. “Севинч” иккинчи финалчи  0 18:05Месси: "Барселона" учун Ла Лига ЧЛдан муҳимроқ"  9 17:54ЖЧ-2022 саралаш ўйинлари ФОТОСУРАТЛАРДА  8 17:45"Манчестер Юнайтед" 6 футболчини харид қилмоқчи  11 17:34Санжар Қувватов ҳамкасби Суюновни мақтади, Нестеровни эса Нойерга тенглаштирди  10 17:25Olamsport: Боксчиларимизда Осиё чемпионатининг олтин медаллари, Нурмагомедов Тошкентдаги жангга тайёргарлик кўрмоқда  0 17:20Томас Мюллер "Манчестер Юнайтед"га ўтмоқчи?  5 16:56Златаннинг футболкалари MLSда энг кўп сотилди  10 16:56Ариагнер Смит Медина: “Кучли рақобат футболчига фойда келтиради”  2

Мадриднинг икки клуби енгилган Ла лиганинг 4-тури таҳлили Янгиликлар

Мадриднинг икки клуби енгилган Ла лиганинг 4-тури таҳлили

ФИФА кунлари якунлагач, ўтказиладиган дастлабки турлар грандлар учун ҳар доим оғир кечади.

Чунки, катта клубларнинг деярли тўлиқ таркиби терма жамоалар хизматига сафарбар этилади. Бу эса бир нечта ноқулайликлар келтириб чиқариши мумкин:

Биринчидан, футболчиларнинг миллий жамоалар таркибига бориб қўшилиши жароҳатлар эпидемиясини келтириб чиқариши мумкин. Иккинчидан, футболчилар терма жамоа йиғинидан руҳан ва жисмонан турли хил кайфиятда қайтишди. Учинчидан, футболчи терма жамоа услубига мослашиши, у ерда буткул бошқа вазифани бажариши мумкин. Мисол учун, дунёнинг энг яхши қанот ҳимоячиларидан бири Давид Алаба Австрия терма жамоаси сафига қўшилгач, ярим ҳимоячига айланиши, ҳатто ҳужумчи ортида ҳам ҳаракатланиши мумкин. Бу каби ҳолатлар футболчиларнинг чалғишига, ноўрин хатолар келиб чиқишига асос бўлиши мумкин.

Ла лигада қисқа муддатлик танаффусдан сўнг ўтказилган 4-тур учрашувлари ҳам кутилган ва кутилмаган воқеликларга бой бўлди. Ҳозир шулардан энг муҳимлари ҳақида суҳбатлашамиз.



«Атлетик Бильбао» «Барселона»ни енгиши мумкин, аммо «Мальорка»ни эмас. Баскониянинг Гаизка Гаритано бошчилигидаги етакчи клуби мусобақанинг жорий мавсумини аъло кайфият билан бошлаганди. Ўшанда амалдаги чемпион дарвозасига «чалқанча» услубда гол урган Ариц Адуриз бу гал Ла лигага қайтган камтарона клуб дарвозасига пенальтидан ҳам гол киритолмади. «Мальорка»га қарши баҳс тенг курашлар остида ўтди. Якунда ҳисоб ҳам ўйинга мос бўлди ва ҳеч кимдан нур чиқмаган баҳс дуранг билан тугади. Агарда бильбаоликлар мазкур учрашувда ғалаба қозонса, мусобақа жадвалида «Севилья» клуби билан биргаликда қўшҳокимятчиликни ўрнатишлари мумкин эди. Аммо, энди улар Мадриднинг Реал клуби билан биргаликда 3-ўринни бўлишиб туришга мажбурлар. «Мальорка» эса ҳисобидаги очколар сонини тўрттага етказиб олгани ҳолда 15-ўринни банд қилиб турибди.

Мадриднинг икки клуби мағлубиятга учради. 4-тур пойтахт клублари учун омадсиз ўтди. Дастлаб, «Леганес» клуби ўз майдонида «Вильярреал»ни қабул қилиб, йирик ҳисобда (0:3) мағлубиятга учради. Бу мавсумни ҳам олдингилари каби анча бўш ўтказаётган «Вильярреал» клуби мавсумдаги илк ғалабасига «Леганес» майдонида эришган бўлса, мезбонлар ҳали очко ҳам тўплай олмаганлар.

Мазкур турда Диеги Симеони бошчилигида «Атлетико Мадрид» клуби футболчилари Сан-Себастьян шаҳридаги «Аноэта» ўйингоҳига ташриф буюришди. Мезбон «Реал Сосьедад» клуби учрашувда 2:0 ҳисобида ғалаба қозонди. Учрашув давомида трансфер ҳуқуқи Мадриднинг «Реал» клубига тегишли бўлган Мартин Эдегор ўз фаоллиги билан ажралиб турди, ҳисобни очишни ҳам уддалади ва учрашувнинг энг яхши ўйинчиси, деб эътироф этилди. Норвегиялик футболчи Мадрид клуби асосий таркибидан ўрин эгаллаш учун қаттиқ меҳнат қилмоқда. Мазкур беллашувдаги ҳаракатлари унинг нималарга қодирлигини яна бир карра исботлади. Келаси мавсум Лука Модрич «Қироллик клуби»ни тарк этса, эҳтимолки, Эдегор унинг ўрнини тўлдиради.



38 ёшли Хоакин Санчес гол уришда давом этмоқда. Мазкур турда Андалусиянинг «Реал Бетис» клуби «Хетафе» жамоасини қабул қилди. «Бенито Вильямарин» ўйингоҳидаги баҳсда жанговор дуранг қайд этилди. Беллашувнинг 25-дақиқасида «Бетис» клуби бир киши кам бўлиб қолди. Учрашув якунида эса жамоа тўпурари Лорен Морон ҳам майдондан четлатилди. Шу тариқа мезбонлар учрашувни 11 киши билан бошлаб, 9 киши билан тугатишди. Ўйиндаги ҳисобни меҳмонлар ҳужумчиси Хайме Мата 15-дақиқада очган бўлса, 73-дақиқада Хоакин Санчес мувозанатни тиклади. Эслатиб ўтамиз, мазкур футболчи Испания чемпионатининг фахрий юлдузларидан ҳисобланади. Хоакин ҳозир 38 ёшда бўлиб, Ла лигада бундан 20 йил олдин дебют қилганди.

Янги мураббий бошқарувига ўтган «Валенcия»ни Мессисиз «Барселона» тор-мор келтирди. Мазкур баҳсда Эрнесто Валверде бошчилигидаги «кўк-анор ранглилар» меҳмон «кўршапалаклар»ни 5:2 ҳисобида мағлуб этди. Учрашувдаги эътиборни тортадиган энг йирик жиҳат – Анссумане Фатининг ажабтовур ўйини. Фати шу куни гол уришдан ташқари, яна бир голга ҳаммуаллифлик ҳам қилди. Тўғри, бир неча бор хатоларга йўл қўйган, ноаниқ зарбалар йўллаган футболчи йирик планда кимнингдир фонида кўзга кўринмаслиги мумкин. Аммо унутмаслик керакки, унинг ёши ҳали ўн олтида. Эҳтимол, Мессининг давомчиси бизнинг кўз ўнгимизда катта футболда атак-чечак қилаётгандир. Буни вақт кўрсатади. 

Ҳозир айтишимиз мумкинки, «Барселона» 4 баҳсда 7 очко тўплаб, мусобақа жадвалининг 5-ўрнида боряпти. Клуб мухлисларини ранжитадиган яна бир ҳолат шуки, каталонияликлар тўрт учрашувда ўз дарвозаларидан 7 бор тўп олиб чиқишди. Бу натижа «Хетафе», «Алавес», «Осасуна», «Леванте» каби клубларникидан ҳам ёмонроқ ҳисобланади. Мудофаа чизиғидаги заифликлар жамоанинг ЕЧЛнинг мураккаб гуруҳидаги аҳволини мураккаблаштириб қўйиши мумкин.


Бизни Зидан-Лопетеги тўқнашуви кутмоқда. Мадриднинг «Реал» клуби Азар дебют қилган баҳсда 3:2 ҳисобида ғалаба қозонди. Учрашувда Карим Бензема дубл қайд этди. Аммо, мазкур баҳс Зидан жамоасининг ҳам мудофаа чизиғи ҳавас қиларли даражада эмаслигини исботлади. Бу борада мусобақа жадвалининг якка пешқадами бўлиб турган «Севилья» клуби алоҳида намуна кўрсатмоқда. Хулен Лопетеги жамоаси ҳозиргача бор-йўғИ бир бор гол ўтказиб юборди. Чемпионат пешқадами келгуси турда «Реал»ни қабул қилади. Ушбу учрашув шуниси билан қизиқки, у мусобақа жадвалининг юқори поғоналарига бевосита таъсир кўрсатади.

Ортда қолга 4 турдан кейин, чемпионатнинг энг яхши тўпурар ва ҳаммуаллифлари билан танишинг.



Энг яхши асистентлар: Монтро («Гранада»), Андер Капа («А. Бильбао») 3 тадан.






Фахриддин Рўзиев

Рейтинг: +1   

Фикрлар

   
17 сен 21:41:28
Yagzon
Senga azar kerakmi kallenga kel
   
17 сен 21:41:14
Yagzon
Senga azar kerakmi kallenga kel
   
17 сен 21:21:30
Siroj0512
Sssssss
   
17 сен 19:47:57
De-nur
Халихам симени сайрасинчи
   
17 сен 19:13:05
Abdufattoh Akromov
Bergkamp фойдаланувчининг фикрига жавоб бериш
Билайн тв га азо булиш учун сим карта хам Билайн болиши кереми етворила
Man uzmobile ishlataman lekn beeline tv da futbol ko'rvommam
   
17 сен 18:02:01
SHAKH
foti messi 2 bolarmikin
   
17 сен 17:33:53
inamjon
Barsachi emasmanu lekin topurar yana Messi bolsa kerak
   
17 сен 17:19:54
Real Madrid
Bergkamp фойдаланувчининг фикрига жавоб бериш
Билайн тв га азо булиш учун сим карта хам Билайн болиши кереми етворила
Ha beeline bolishi kerak
   
17 сен 16:56:00
Bergkamp
Билайн тв га азо булиш учун сим карта хам Билайн болиши кереми етворила
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг