Farg'onaning "Neftchi" jamoasi hujum chizig'ini kuchaytirish maqsadida liberiyalik hujumchi Silvanus Nimelini jalb qildi. Forvard o'zbekistonlik muxlislarga yaxshi tanish hisoblanadi, u 2023-2024 yilgi mavsumlarda "Surxon" safida to'p tepgan.
Uning oxirgi jamoasi Ozarbayjonning "Sumqayit" klubi bo'ldi. To'p tepar mazkur jamoada 18 ta o'yinda maydonga tushdi va 1ta gol, 1 ta assist qayd etdi. Nimeli farg'onaliklar bilan shartnoma imzolagan.
Transfermarket portali futbolchini 450 ming evroga baholagan.
