Лукас Моура: "Бу ҳаётим ва фаолиятимдаги энг яхши лаҳза"
09 май 2019 11:49
Янгиликлар

Лукас Моура: "Бу ҳаётим ва фаолиятимдаги энг яхши лаҳза"

"Тоттенхэм" ярим ҳимоячиси Лукас Моура ЕЧЛ ярим финал жавоб баҳсида "Аякс" устидан қозонилган иродали ғалаба (3:2)дан кейин фикрларини билдириб ўтди.

"Ҳозир нимани ҳис қилаётганимни сўзлар билан ёзиб бўлмайди. Жамоадошларим билан жуда ва жуда фахрланаман. Биз бу нарса мумкин эканлигига ишонишдан тўхтамадик. Бор кучимизни бердик ва бундай қувончли онларга муносиб бўлдик. Биз - оиламиз. Ҳозир ҳиссиётларни жиловлай олиш жуда қийин.
Футбол мана шундай онларни ҳам тақдим этади, биз ғалабадан роҳатланишимиз керак. Менга боқинг! Бу ҳаётим ва фаолиятимдаги энг яхши лаҳза!", - деди Моура.