UZ

Сўнгги янгиликлар

17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  0 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  0 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  3 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  6 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  4 12:40Ла Лига раҳбари Тебас клублар ўртасидаги ЖЧ ҳақида: "Бу турнир бошқа ўтказилмаслиги учун қўлимдан келган барча ишни қиламан"  10 12:15Дьокереш инглиз клуби билан келишиб олди  2 11:47Факт: Вадим Абрамов жамоаси Виталий Левченко бошқараётган "Нефтчи"ни ҳали ютмаган  10 10:48Бугун аёллар терма жамоамиз Лаосга қарши баҳс олиб боради  0 10:19Суперлига. 15-тур расмийлари маълум. Марказий учрашувни Лутфуллин бошқариб боради  7 09:44Алонсо ғалабадан сўнг ўз фикрларини билдириб ўтди  11 09:17Ўзбекистон кубоги. Бугун сўнгги чорак финалчилар аниқланади  4 08:48Ўзбекистон МТЖ аъзоси “Пахтакор“га қайтиши мумкин  20 08:20Клублар ўртасидаги ЖЧ. Чорак финал жуфтликлари билан танишинг  31

"Локомотив" таркибида ўйнаган Нивалдо ирқчилик, Юсупов ва клуб ҳақида Янгиликлар

"Локомотив" таркибида ўйнаган Нивалдо ирқчилик, Юсупов ва клуб ҳақида

Беларуснинг "Динамо-Брест" жамоасидан "Локомотив"да ярим йил давомида ижара асосида ўйнаган бразилиялик футболчи Нивалдо сайтимизга қисқа интервью берди.

Ҳужумчи "Локомотив" таркибида қисқа муддат тўп тепган бўлса-да, у "темирйўлчилар" сафида ажойиб ўйинлар кўрсатди ва мухлисларнинг меҳрини қозонди. Нивалдо Ўзбекистондаги ярим йиллик фаолияти давомида "Локо" сафида барча мусобақаларда 13та ўйин ўтказди ва 5та гол урди.

"Мен ушбу мамлакатда футбол ўйнашдан завқлангандим. Мухлислар барча учрашувларга боришади ва бу маҳаллий футбол учун жуда ижобий ҳолатдир.

Мен "Локомотив"да фаолиятимни давом эттиришни хоҳлаган эдим. Аммо, менинг клубим мени ортга қайтишимни сўради. Бу борада "Динамо-Брест" билан гаплашдим ва мени қўйиб юборишларини сўрадим, аммо келишувга эришилмади.

Менинг карьерамда яхши ва ёмон пайтлар бўлди, ҳар доим ҳам юқори савияни сақлаб қолиш қийин, булар футболчи ҳаётининг бир қисмидир. Аммо, бугун ўйнамоқдаман ва бу нарса энг муҳимидир.

Клубга келганимда раҳбарияти мени жуда яхши кутиб олди ва футболчилар яхши қабул қилишди. Булар эса менинг алоҳида эътиборимни тортди.

Футбол даражаси жуда яхши, ажойиб ўйинчилар бор. Умуман олганда, мен овқатларни жуда соғиняпман, менга улар жуда ёқарди.

Ўзбекистон чемпионати яхши даражада ва айтишим мумкинки, унинг даражаси Беларусники билан бир хил. Мен 6 ой ўйнадим ва шундан сўнг жароҳат туфайли майдонга тушмадим. Бошқа бир ойда эса дарвозабон билан бўлган вазиятдан сўнг кўплаб ўйинларда майдонга тушмадим. Мен у дарвозабоннинг исми [Ўткир Юсупов - "Қўқон-1912]ни ҳам эслай олмайман, сабаби аҳамиятсиз, мен ўша вазиятни фаолиятимдан ўчириб ташлай оламан. Сиз видеони таҳлил қилишингиз мумкин, мен ҳимоячига тегмагандим, у дарвозабоннинг қўллаб-қувватлаши билан майдонни театрга айлантирди. Ўша пайтда ҳакам нотўғри қарор чиқарди ва менга қизил карточка кўрсатди, сабаби мен ҳеч қандай ёмон иш қилмагандим. Видеода кўрсангиз шундан сўнг ечиниш хонасига кетаётгандим. Шу пайтда дарвозабон келиб, юзимга қараб бақира бошлади. Мен кўплаб мамлакатларда ўйнаган тажрибали футболчиман ва бундай вазиятга умуман дуч келмаганман. Мени доим мухлислар ва жамоадошларим ҳурмат қилишган.

Бутун дунё ирқчиликка қарши кураш борасида жуда муҳим пайтларни бошдан кечирмоқда. Биз ўз фарзандларимизга бошқа маданиятни, маданий тафовутни ҳурмат қилишга ўргатишимиз керак.

Барча мамлакатлар ҳукуматлари ирқчилик борасидаги саволларга жавоб беришга ҳаракат қилишлари керак. Биз бошқаларни, бошқа дин вакилларини ҳурмат қилишимиз керак ва бошқаларга меҳр кўрсатишимиз керак.

Мен дарвозабон ҳақида ёмон гап гапирмоқчи эмасман. Ўйин жуда "қайноқ" тарзда ўтаётган эди. Эмоциялар ҳам юқори даражага чиққан эди. Шу пайтда айтмаслик керак бўлган нарсаларни гапириб юборасиз. У нима деганини ўзи билади. Мен унга омад тилайман. "Локомотив"га эса жадвалда ўз ўрнини эгаллашига умид қиламан, чунки уларда яхши структура бор. Агар менда имконият бўлганида, яна Ўзбекистонда ўйнаган бўлардим. Мамлакатингиз менга жуда ҳам ёққан. Одамлари меҳрибон.

Агар бразилиялик, ватаним тарихидаги энг кучли футболчилар ҳақида гапирадиган бўлсам, Пеле, Ромарио, Гарринча, Сократес, феномен Роналдо, Гаучо, Неймар... Умуман олганда сиз мендан учта ўйинчини айтишни сўрадингиз, аммо бу жуда қийин (кулади).

Барчага катта саломлар айтаман, айниқса футбол мухлисларига. Сизларда ажойиб маданият бор", - дейди Нивалдо.


Алишер Остонов суҳбатлашди.

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика