"Ливерпуль" рекорд даражадаги ҳомийлик шартномасини имзолашга яқин турибди

"Daily Mail" нашрининг ёзишича, "Ливерпуль" ва Британиянинг "Standard Chartered" банки янги ҳомийлик келишувини тузиши мумкин. Томонлар ўртасидаги амалдаги битим 2023 йилгача амал қилади. Агар у узайтирилса, катта эҳтимол билан тўлов миқдори икки бараварга ошади.

Ҳозирда банк клубга йилига 47 миллион евро тўлайди. Янги келишувга кўра, "Standard Chartered" бу миқдорни икки баробарга – 95 миллион еврогача ошириши мумкин. Бундай ҳомийлик шартномаси футбол тарихидаги рекорд кўрсаткич сифатида тарихга киради.

Қайд этилишича, Мерсисайд клуби бошқа компаниялар билан ҳам ҳамкорлик қилиш борасида музокаралар олиб бормоқда.