"Ливерпуль" ўзининг расмий веб-сайтида "Абердин"дан ҳимоячи Рис Уильямснинг муддатидан олдин жамоага қайтганини эълон қилди. Англиялик футболчининг Шотландиядаги фаолияти муваффақиятсиз тугади.
Футболчи ярим мавсум давомида Шотландия чемпионатида ҳам, еврокубокларда ҳам майдонга тушмади. Бунгача у ижара асосида "Блэкпул", "Суонси" ва "Киддерминстер" клубларида ўйнаганди.
Уильямс 2011 йилдан бери "Ливерпуль" тизимида ҳаракат қилмоқда. 22 ёшли марказий ҳимоячи шу кунгача "қизиллар"нинг асосий таркибида 19 та ўйинда иштирок этди.
