So'rovnomada 116 mamlakatning 442 nafar jurnalisti qatnashdi. Levandovski 16,3 foiz ovoz to'plab, Formula-1 poygachisi Lyuis Xemilton (14,3%), tennischi Rafael Nadal (9,9%) va “Los-Anjeles Leykers” basketbolchisi Lebron Jeyms (9,5%)ni ortda qoldirdi.
Polshalik hujumchi joriy yil myunxenliklar bilan Germaniya chempionati, Kubogi va Superkubogida zafar quchib, YCHL va Yevropa Superkubogi titullarini qo'lga kiritdi. Avvalroq, u FIFA va UEFA tomonidan “yil futbolchisi” nomiga ham sazovor bo'lgandi.
