Лаутаро "Бавария" билан 2:1 ҳақида: "Жавоб ўйинида "Интер" худди шундай ўйин кўрсатиши керак"

"Шанба куни "Парма" билан дуранг ўйнаганимиздан кейин жуда кўп мулоқот қилдик. Биз ривожланишни хоҳлаймиз. Бугун ғалаба қозониш учун ўша муваффақиятсизлик ҳақидаги ўйларни ортда қолдиришимиз керак эди. "Бавария" ҳар томонлама ажойиб ўйнади, лекин биз ирода кўрсатдик. Ушбу буюк стадионда, буюк жамоага қарши ўйинда бизнинг йигитлар "Интер" рангларини ҳимоя қилишга лойиқ эканимизни исботлади.

Жавоб ўйинида биз худди шундай яхши ўйнашимиз керак. Биринчи таймда уларни тўпдан маҳрум қила олдик ва бу уларга қанчалик қийин бўлганини кўрдик. Биз ҳам маҳоратни, ҳам иродани намойиш этишимиз зарур", – деди "Интер" ҳужумчиси.