Куман: "Месси фаолиятини "Барселона"да якунлаши керак"
18 июн 17:38
Янгиликлар
Куман: "Месси фаолиятини "Барселона"да якунлаши керак"
"Барселона" бош мураббийи Рональд Куман аргентиналик Лионель Мессининг "кўк-анорранглилар" сафидаги келажаги ҳақида гапирди.
"Мен Лионелнинг фаолиятини "Барселона"да якунлаши керак деб ҳисоблайман. Умид қиламанки, клуб раҳбарияти тез орада бу масалани ҳал этишади. Агар Месси қолса, бу жамоамиз учун ажойиб хабар бўларди", - дейди нидерландиялик мутахассис.
33 ёшли аргентиналикнинг "Барселона" билан тузган амалдаги шартномаси шу ойнинг сўнггида якунига етади. Месси бутун фаолиятини испан клубида ўтказган.
Лео ўтган мавсум Ла Лига доирасидаги 35та ўйинда майдонга тушиб, 30та гол ва 9та ассист қайд этди.
Ўхшаш янгиликлар
championat.asia
Бокс. Санжар Турсунов Олимпиадага муносиб спортчими?
Токио-2020. Ўзбекистонлик спортчиларнинг иккинчи кунги иштирокларидан тезкор маълумотларни кузатиб боринг
Эшитдик-да! "Пахтакор" Матични олиб келмоқчи
Эшитдик-да! Виктор Кумиков "Андижон"га қайтмоқда. Жамоага уч нафар легионер ҳам келади
Фикрлар
yigilgan terma jamoa haqida odamlarni fikriga qarab maqola yozishdi keyin esa odamlarni koziga u aybdor yoki bu aaybdor bolib korinadi hamma gaprudi kuper bu bosqida imkon berilishi kerak edi kozida olovi boridi kuperni intryusidan qisqacha..........Мазкур саволдан сўнг суҳбатга Эктор Купер қўшилди ва шундай деди: "Мен 8 маротаба финалга чиққанман ва ютқазганман. Лекин бу мағлубиятлар мени яна финалга чиқиш истагимни йўқотгани йўқ. Мен яна финалга чиқишни хоҳлайвераман". degan edi
Теглар : Ўзбекистон МТЖЭктор Купер
Ўзбекистон терма жамоаси учун жуда эрта якунланган Осиё Кубоги ва Эктор Купернинг ишини таҳлил қилиб кўрамиз.
Келинг, аввало бир нарсани эсга оламиз. Купер қўл остида ўртоқлик учрашувлари ўтказганимизда ва ундаги мазмунсиз футболдан кейин мураббийни кўп ҳам танқид қилмагандик. Чунки ўртоқлик учрашувлари мураббий учун хизмат қилиши кераклигини энг кўп таъкидлаган ўзим бўламан. Купернинг ишига ҳақиқий баҳони Осиё Кубогидан кейин беришимизни айтгандик. Кутилмаганда Осиё Кубоги вакилларимиз учун жуда эрта тугади. Ўзбекистон терма жамоаси Купер қўл остида минимум чўққимиз саналган чорак финалга қадар ҳам чиқишни уддалай олмади.
Аввалроқ сайтимиз ходими, ҳамкасбим Хайрулла ака Холиқов Осиё Кубогидаги иштирокдан қониқиш хосил қилганини ва Куперда ишонишда давом этиш лозимлигини таъкидлади. Кечирасиз-у, мен бу фикрга умуман қўшилмайман. Нега?
Келинг, дастлаб Купер услуби ҳақида тўхталамиз. Эктор Купер ўз услубига монанд равишда бизга ҳимоявий ўйин тактикасини сингдиришга уринди ва услубидан воз кечмади. Купер Ўзбекистон терма жамоасининг мавжуд потенциалидан фойдаланишдан кўра, ўз услубидан келиб чиққан ҳолда ўйнашни афзал кўрди. Бунда Куперни айблаш ҳам нотўғридек. Чунки мураббий фалсафаси шундай кўринишда ва ҳозирги замонавий футболга қараб ўз тушунча ва қарашларини ўзгартирадиган ёшдан ўтган. Яъни, Купер футболда мураббий сифатида ниманидир исботлайдиган жўшқин ёшдан ўтган. Кўп йиллар мобайнида тўплаган тажрибасига таянган ҳолда бир хил йўналишда ишлайдиган мураббий.
Купернинг услуби бизнинг футболга бегона. Бизнинг футболчилар тўпсиз футбол ўйнашни хуш кўришмайди. Рақиб таклиф этадиган футболга кўниб ўйнаш, ўз кучидан фойдаланиш ўрнига бировнинг хатосини кутиб ўтириш мавжуд потенциалимизни юзага чиқаришни секинлаштирмоқда. Эътибор беринг, киритган голларимизнинг аксарияти айнан рақиб хатосидан сўнг юзага келган тезкор ҳужумлар ёки стандарт вазияти орқали урилди. Позицион ҳужум ташкил этиш ва аввалдан ўйланган комбинацион футболни унутдик ҳисоби. Айнан шу Купернинг услуби. Ундан бу услубни ўзгартиришни талаб қилиш абсурд. Мураббий қатор йиллар давомида воз кечмаган услубидан энди чекинмайди. Куперда ҳеч қачон иккинчи режа бўлмаган.
Хайрулла Холиқов тактик футбол кўрдик, ниҳоят бизда тактика пайдо бўлди, деб ёзганлар. Гап қайси тактика ҳақида кетмоқда? Австралиядан 120 дақиқа давомида ўтказилмаган гол Купернинг бизга татбиқ этаётган тактикаси хосили сифатида қаралмоқдами? Шундай бўш ва кучсиз Австралиядан гол ўтказмаганимизни қаҳрамонликка юйишми бу? Агарда шундай бўлса, бу футболимизни ерга уриш билан баробар. Чунки ҳозирги Австралияга қарши футбол ўйнаса бўлади. Тўғри, ҳозирги жамоамиз буни қанчалик уддалайди ёки йўқ, мушкул савол. Аммо ўзбек футболининг устун жиҳатларидан фойдаланган ҳолда футбол ўйнасак, ҳозирги "кенгурулар"ни ютишимизга ишонаман. Аммо асло Купер услубидаги футбол орқали эмас.
Узоққа кетмайман, яқинда вақтинча Кападзе бошқарган терма жамоамиз жаҳонда ўз номига эга бўлган Сенегал, Марокаш ва Уругвай билан қандай футбол ўйнади? Учта учрашув, уч хил таркиб ва барчасида сифатли ўйин. Муҳими, ўшанда номдор ва кучли ижрочиларга бой жамоаларга қарши бемалол футбол ўйнагандик. Чуқур ҳимояга асосланган қўрқоқ ўйин эмас, ҳимоя чизиғимиз ҳам марказга юқори жойлашган ҳолда тўп билан қандай ўйнай олишимизни исботлаганди. Айнан Кападзе Купер келишидан аввал ўзбек футболининг мавжуд потенциалини бизга кўз-кўз қилиб қўйгани учун ҳам раҳмат!а
Тактик ўйин деганда аввало жамоа ўзидан кучли рақибга қарши наф чиқара оладиган ўйинни тушунаман. Яъни, жамоа кучли рақибга қарши тактик ўйин орқали ёндошиб, унинг кучли жиҳатларини зарарсизлантира олиши тактик футбол ҳисобланади. Бу иш натижа келтирсагина тактик тўғри ёндошув бўлганини таъкидласак арзийди. Купер татбиқ этаётган услуб бизга на натижа ва ўйин келтирди. Купер яқинда матбуот анжуманида бутун мусобақани алоҳида ўйинларга ажратиб чиқиш нотўғрилигини айтди. Қўшиламан! Шу боисдан ҳам Австралияга қарши 120 дақиқа гол ўтказмаганимизни қаҳрамонликка йўйишдан кўра, бутун Осиё Кубогида нимага эришганимизни таҳлил қилиш яхшироқ.
Теглар : Ўзбекистон МТЖЭктор Купер
Ўзбекистон – Хитой учрашувдин кейин ташкил қилинган матбуот анжуманида Эктор Купер иштирок этиб, ўз фикрларини билдириб ўтди.
«Бугун гол киритиш учун кўплаб вазиятларга эга бўлдик. Аммо фақат уларнинг биттасидан унумли фойдаландик. Биз бу келгусида бу йўналишда иш олиб борамиз. Ўйлайманки, бу мусобақадан ўрин олган ўйинлар биз учун яхши тайёргарлик вазифасини ўтаб берди. Эндиликда хато ва камчиликларни таҳлил қилиб чиқамиз. Аввал ҳам айтганимдек, бор эътиборимиз Жаҳон чемпионати саралашига қаратилган.
Отабек Шукуровнинг жароҳати жиддий. Терма жамоамиз шифокорларининг хабар қилишича, Шукуров камида икки ойга сафдан чиқди.
Ўзбекистоннинг Хитойга қарши аввалги ўйинлари билан бугунги ўйинни солиштира олмайман. Мен аввалги ўйинларда терма жамоа бош мураббийи эмасдим. Аммо Хитойда таркибда янги футболчилар борлиги биламан. Каннаваро улар билан яхши жамоа шакллантира олишига ишонаман. Хитой ҳам биз каби бор эътиборини Жаҳон чемпионати саралашига қаратган. Ўйлашимча, Қатар 2022 га чиқиш учун Осиёдаги барча терма жамоалар қаттиқ кураш олиб боришади. Биз йўлланмани қўлга киритиш учун бор кучимизни сарфлаймиз», - деди Купер.
Теглар : Ўзбекистон МТЖЖЧ-2022 саралашЭктор Купер
Бугун Малайзия пойтахти Куала Лумпурда жойлашган Осиё футбол конфедерацияси бош қароргоҳида Жаҳон чемпионати-2022 ҳамда Осиё кубоги-2023 мусобақалари иккинчи саралаш босқичига қуръа ташлаш маросими бўлиб ўтди.
Қуръа натижаларига кўра, Ўзбекистон миллий терма жамоаси иккинчи саралаш босқичининг “D” гуруҳидан ўрин олди. Гуруҳда терма жамоамизга Саудия Арабистони, Фаластин, Яман ҳамда Сингапур термалари рақиблик қилади.
Ўзбекистон миллий терма жамоаси бош мураббийи Эктор Купер ЎФА расмий сайтига қуръа ҳақида ўз фикрлари билан ўртоқлашди.
- Қуръа қандай жамоаларни тақдим этишини олдиндан таҳмин қилиб бўлмайди. Шу сабабдан ҳар қандай рақиб билан тўқнаш келишга тайёр туриш лозим бўлади. Жаҳон чемпионати саралаши иккинчи босқичи қуръаси бизга тақдим этган рақибларнинг барчаси ўзига яраша кучли жиҳатларга эга эканини таъкидлай оламан. Ҳеч бир рақибга беписандлик билан қараб бўлмайди. Гуруҳимиздан ўрин олган ҳар бир рақибни ҳурмат қилган ҳолда учрашувларга ҳозирлик кўрамиз. Ўзбекистон терма жамоаси барча учрашувларда мазмунли ўйин намойиш этиб, якунда келаси босқич йўлланмасини қўлга киритиш учун майдонга тушади, - деди мутахассис.