UZ

Сўнгги янгиликлар

09:58"Насаф" ярим ҳимоячиси "Бунёдкор"га ўтиши мумкин  0 09:20"ФарДУ" иккинчи даврада Суперлиганинг бир нечта футболчиси билан шартнома имзолаши мумкин  1 08:46Назорат учрашуви. "Қўқон-1912" "Арал"ни мағлуб этди. Қўқонликлар сафида ОКМК футболчиси ҳаракат қилди  1 08:13ЦСКА директори Файзуллаев трансфери ҳақида гапирди  5 07:48Мираброр Усмонов хотира турнири. Бугун чемпион аниқланади  4 00:01Англия финалда Испанияни мағлуб этиб, аёллар ўртасидаги Евро-2025 ғолибига айланди  7 23:38Артур Испанияга қайтиши мумкин  0 23:15Доннарумма "Галатасарой"дан таклиф олган. Истанбулликлар дарвозабоннинг ПСЖ билан музокараларидаги қийинчиликдан фойдаланмоқчи  0 22:40"Ал Насср" Феликсдан сўнг ЖЧ ғолибини нишонга олди  5 22:16Диас "Бавария"га 75 млн евро эвазига ўтмоқда, томонлар барчасини келишиб олишди. "Ливерпуль" вингери 4 йиллик шартнома имзолайди  6 21:48"Ювентус" машғулотларни ўтказиб юборгани учун Дуглас Луисни 40-120 минг евро жаримага тортади. Хавбек Англияга йўл олмоқчи  0 21:21"Милан" "Реал"дан Фран Гарсиянинг нархини сўради. "Қироллик клуби" эса...  0 20:56Хави Симонс Лондон клубига ўтишга тайёр  0 20:18Томас Мюллер МЛСнинг "Ванкувер Уайткепс" клуби билан фаол музокаралар олиб бормоқда  2 19:40"Ал Насср" Антони бўйича таклиф билан чиқди. МЮ вингер учун 50 млн фунт олмоқчи  4

Кенгроқ маълумот: Бугун футзал бўйича Осиё чемпионати саралаш босқичига қуръа ташланади Янгиликлар

Кенгроқ маълумот: Бугун футзал бўйича Осиё чемпионати саралаш босқичига қуръа ташланади

Футзал бўйича навбатдаги Осиё чемпионати шу йилнинг кузида Қувайтда бўлиб ўтади.

Аслида мусобақа 2020 йил Туркманистонда бўлиб ўтиши керак эди, бироқ коронавирус сабаб турнир ўтказилмади. Қолаверса, Туркманистон мезбонлик қилишдан бош тортди. Кейинчалик ОФК Қувайт вариантида тўхталиб, навбатдаги қитъа биринчилигини ушбу мамлакатга беришга қарор қилди. 

Дастлабки режага кўра, Қувайтдаги Осиё чемпионати 2022 йилнинг 16-27 февраль кунларига қўйилганди, лекин ўтган йил 5 июлда ОФК янги қарор чиқариб, мусобақа кузга кўчирилганини маълум қилди. Шундай қилиб футзал бйўича Осиё чемпионати шу йилнинг 25 сентябрь - 20 октябрь оралиғида Қувайтда ташкил этилади. 

Саралаш босқичи

Саралаш ўйинлари ҳам дастлабки режага кўра, ўтган йил 13-24 октябрь оралиғида бўлиб ўтиши керак эди. Бироқ коронавирус сабаб ОФК муддатни ўзгартирди ва эндиликда саралаш шу йилнинг 1-15 апрель кунлари бўлиб ўтади. Осиё чемпионатида жами 16та жамоа иштирок этади.

Қувайт мезбон эканини ҳисобга олсак, автоматик тарзда саралашда қатнашмайди. Демак, апрель ўрталарига келиб қолган 15 иштирокчини билиб оламиз. 

Осиё чемпионатига саралаш босқичи жамоаларни тўртта минтақага бўлган ҳолда олиб борилади: Ғарбий, Шарқий, Марказий-Жанубий ҳамда АСЕАН минтақалари. ОФКга аъзо 47 давлатдан 31таси саралашда қатнашишга розилик берган. 


Ажратилган ўринлар

Демак, мезбон Қувайтдан ташқари қолган 15та ўрин қуйидагича тақсимланади.

Ғарбий минтақа: 5 ўрин

Шарқий минтақа: 3 ўрин

Марказий-Жанубий минтақа: 4 ўрин

АСЕАН минтақаси: 3 ўрин


Қуръа ва саватчалар

Энди ҳар бир минтақада саралаш қай тартибда ўтказилиши ҳақида маълумот берамиз. Ғарбий минтақада 7та жамоа 4 ва 3тадан икки гуруҳга бўлинади. Ҳар бир гуруҳдан иккитадан жамоа йўлланмани қўлга киритади. 3-ўринни эгаллаган жамоалар ўзаро плей-офф ўйнайди ва ғолиб 5-йўлланма соҳиби бўлади. 

1-саватча: Ироқ, Ливан

2-саватча: Баҳрайн, Саудия Арабистони

3-саватча: БАА

4-саватча: Уммон, Фаластин

Шарқий минтақада ҳам 7та терма жамоа 4та ва 3тадан икки гуруҳга бўлинади. Гуруҳ ғолиблари ва плей-оффда ютган жамоа Осиё чемпионатига боради. 

1-саватча: Япония, Хитой Тайпейи

2-саватча: Хитой, Жанубий Корея

3-саватча: Гонконг, Мўғулистон

4-саватча: Макау

Марказий-Жанубий минтақада эса 8та жамоа тўрттадан икки гуруҳга ажратилади. Ўзбекистон футзал терма жамоаси биринчи саватчада Эрон билан жой олгани боис саралашда бир-бирига қарши ўйнамайди. 

1-саватча: Эрон, Ўзбекистон

2-саватча: Қирғизистон, Тожикистон

3-саватча: Туркманистон, Афғонистон

4-саватча: Непал, Мальдив

АСЕАН минтақаси жамоалари учун алоҳида АСЕАН футзал чемпионати ташкил этилади ва мусобақага якунига кўра, 3та жамоа Осиё чемпионати йўлланмасига эга чиқади. 


Саралашга кимлар мезбонлик қилади? 

Айтиб ўтганимиздек, мусобақанинг саралаш босқичи шу йилнинг 1-15 апрель оралиғида марказлашган тартибда ўтказилади. Ғарбий минтақа ўйинлари БААда, Марказий-Жанубий минтақа беллашувлари эса Қирғизистонда ўтказилади. 

Ўзбекистон иштирок этадиган мусобақада ҳар иккала гуруҳдан иккитадан терма жамоа Осиё чемпионати йўлланмасига эга чиқади. 

Шарқий минтақа саралаш ўйинлари ҳозирча қаерда ўтказилиши маълум эмас. Шунингдек, АСЕАН футзал чемпионати бўлиб ўтадиган жой ҳам ҳали эълон қилингани йўқ.


Ҳавола орқали қуръа жараёнини ОНЛАЙН КУЗАТИБ БОРИШ мумкин.

Муаллиф : Xayrulla Xoliqov
Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика