Кечаги ўйинда гол урган футболчи: "Биз ишлашда давом этамиз"

Грэм Арнольд шогирдлари биз билан кечган баҳсда 1:0 ҳисобида ғалаба қозонишди. Учрашувдаги ягона гол муаллифи Николас Д'Агостино ОФК сайтига интервью юберди: 

- "Жуда хурсандман. Биз аслида мусобақани ютишни мақсад қилгандик, лекин ярим финалда Жанубий Кореядан ўта олмадик. 3-ўрин учун кечган ўйинда ғалаба қозониб Олимпиада йўлланмасини қўлга киритдик. Ўйлайманки, бу ўйинда яхши ҳаракат қилдик". 

- "Мени бутун мусобақа мобайнида футболчилар, оилам аъзолари ва клубим "Перт Глори"дагилар қўллаб туришди. Менга бўлган ишончдан хурсандман". 

- "Буёғига яна ишлашда давом этамиз. Олимпиадагача ўйинимни янада яхшилашга ҳаракат қиламан. Жамоамизда кучли футболчилар кўп ва ҳаммамиз биргаликда кўп ишга қодирмиз". 

- "Омадим келиб гол урдим, бунинг устига рақиб футболчиси қизил карточка олди, бу эса бизга устунлик берди. Токиода бўлиб ўтадиган Олимпия ўйинларида ҳам Австралия халқига қувонч улашишга ҳаракат қиламиз".