"Симеоненинг "Атлетико" билан қилган иши футболга алоқадор бўлган барчанинг ҳурматига лойиқ. Эль Чоло клубни ўзгартирди. Унгача бу битта жамоа эди, ҳозир эса умуман бошқача.
Ҳозирда "Атлетико" Испания чемпионати ва Чемпионлар Лигасидаги ғолиблик учун курашмоқда. Мен унга улкан ҳурмат билан муносабатда бўламан", - дейди бразилиялик.
Симеоне 2011 йилдан бери "Атлетико"ни бошқаради, у жамоа билан Ла Лига (икки бор), Испания Кубоги ва Суперкубоги, Европа Лигаси (икки бор) ва Европа Суперкубоги (икки бор)ни қўлга киритган. Аргентиналик шунингдек икки бор Чемпионлар Лигаси финалига қадар етиб борган.
