Kazemiro: "Simeone "Atletiko"ni o'zgartirdi, endilikda jamoa La Liga va CHL uchun kurashmoqda. Uni juda ham hurmat qilaman"

Alisher

19 mar 2022, 10:16

"Real" yarim himoyachisi Kazemiro Diego Simeonening "Atletiko"dagi ishlari haqida gapirdi.

"Simeonening "Atletiko" bilan qilgan ishi futbolga aloqador bo'lgan barchaning hurmatiga loyiq. El Cholo klubni o'zgartirdi. Ungacha bu bitta jamoa edi, hozir esa umuman boshqacha.

Hozirda "Atletiko" Ispaniya chempionati va Chempionlar Ligasidagi g'oliblik uchun kurashmoqda. Men unga ulkan hurmat bilan munosabatda bo'laman", - deydi braziliyalik.

Simeone 2011 yildan beri "Atletiko"ni boshqaradi, u jamoa bilan La Liga (ikki bor), Ispaniya Kubogi va Superkubogi, Yevropa Ligasi (ikki bor) va Yevropa Superkubogi (ikki bor)ni qo'lga kiritgan. Argentinalik shuningdek ikki bor Chempionlar Ligasi finaliga qadar yetib borgan.

Simeone "Real"ning PSJ ustidan qozongan g'alabasi haqida: "Bunday remontada hayratlanarli. "Real" yana bir bor Madridning Yevropadagi o'rnini eslatib qo'ydi"