Каррагер: “Клоппни истеъфога чиқаришдан олдин, “Ливерпул”даги ҳаммани ишдан олган бўлардим. Беллингем билан муаммони ҳал қилиб бўлмайди”

“Юрген Клоппни истеъфога чиқаришдан олдин, “Ливерпул"даги барчани ишдан олган бўлардим. У жамоага келган илк даврида, “Ливерпуль” чемпионатда олтинчи ёки еттинчи ўринда юрарди ва у жамоани охирги бир неча йил давомида эришган даражасига олиб чиқа олди.

Юрген буни яна такрорлашини кўришни истардим. Ишончим комилки, у муваффақиятга эришади. Агар бош мураббийни ўзгартириш ҳақида гапирадиган бўлсак, у ҳолда “Ливерпул”га келадиган ҳар қандай мутахассис қайта қуриш ишларини олиб боришига тўғри келади.

Одамлар Жуд Беллингем ҳақида гапиришмоқда. Бир футболчини қўлга киритиш билан муаммо ҳал бўлиб қолмайди деб ўйлайман. Балки, 4-5 нафар ўйинчи керакдир.

Бериладиган кўп саволлар бор ва уларнинг жавобини топиш лозим. Бироқ, “Ливерпуль” мухлислари келаси мавсум бошида Клоппнинг ўрнига бошқа одамни кўришни хоҳлашмоқда деб ўйламайман”, дейди Каррагер.

Эслатиб ўтамиз, “қизиллар” айни вақт АПЛ турнир жадвалида 29 очко билан 10-ўринда бормоқда.