Капелло: “Бэйл учун футбол иккинчи даражалидек туюлмоқда”

“Криштиану ҳар қандай клуб учун етакчи футболчи бўла олади. У қироллик клубини тарк этгач, “Реал”га осон бўлгани йўқ. Карим Бензема гарчи унинг ўрнини тўлдиришга ҳаракат қилаётган бўлсада, мадридликлар ақлли ва техник жиҳатдан етук лидерларидан айрилишди.

Бэйл – ажойиб потенциалга эга фантастик футболчи. Аммо менда шундай тааассурот ўйғонмоқдаки, футбол гуёки Бэйл учун кераксиз, ортиқча, иккинчи даражали “овунчоқ”. У аввалги Бэйл эмас. Гарет менга жуда ёқади. Тезкор, кучли – замонавий футболчи учун талаб этиладиган барча хислатларга эга. Аммо сиз бугун мақсадга эришмоқчи бўлсангиз, бор эътиборингизни айнан футболга қаратишингиз лозим бўлади”, дея Капеллониннг сўзларидан иқтибос келтирмоқда Daily Mail.