UZ

Сўнгги янгиликлар

12:00Бахтиёр Ашурматов учинчи марта водийда ишлайди   0 11:56Карикатура: "Челси" қишда кимни сотиб олади?  0 11:30Роналдунинг ўғли болалар турнирида энг яхши ҳужумчи бўлди  7 11:18Расмий хабар: Бахтиёр Ашурматов - “Қўқон-1912” жамоаси бош мураббийи  25 11:11Бугун "Қўқон-1912"га янги бош мураббий тайинланади  12 11:03"Реал" ва "Манчестер Юнайтед" клублари шов-шувли алмашишга тайёрлар  17 10:44Расман: "Эстудиантес" Маскеранони таништирди  4 10:37Суперлига-2019. Ўтган икки йилга нисабатан самарадорлик ошди  6 10:20Жейдон Санчо "Манчестер Сити"га қайтадими?  4 10:15Буни ўқиш шарт. Баҳрайн "Янги Моуринью"ни топди-ми?  18 10:00Olamsport: Жошуа 180 кун ичида Усикка қарши жанг қилиши шарт, энг яхши спортчига "Nexia-3" ва бошқа хабарлар  0 09:46“Эвертон” бош мураббийлигига яна бир номзод пайдо бўлди   1 09:39Жанубий Корея К2 лига. Рустам Ашурматов йил рамзий терма жамоасида   17 09:27Конте “Челси” ҳимоячисига кўз тикди   2 09:06Моуриньюга Феллайни керак   6

Канчельскис Наманган ҳокими ва "Навбаҳор" мухлислари ҳақида гапирди Янгиликлар

Канчельскис Наманган ҳокими ва "Навбаҳор" мухлислари ҳақида гапирди

"Навбаҳор" собиқ бош мураббийи Андрей Канчельскис "Матч ТВ"га катта интервью берди.

Ушбу интервьюдан мухлисларимизга қизиқ бўлган парчаларни эътиборингизга ҳавола қиламиз.


- Сиз июнгача ишлаган "Навбаҳор" қандай клуб?

- Аҳоли сони бўйича Ўзбекистонда иккинчи бўлган Наманганнинг клуби. Ўтган мавсум 14 йил ичида илк маротаба медаль ютибсизлар, учинчи ўрин. Раҳбарларнинг мақсадлари катта, аммо инфратузилма яхши эмас. Жамоага келганимда стадион чими дабдала эди. Мендан олдин ишлаганлар рақиб комбинация уюштирмаслиги учун ўйиндан олдин чимга тегмасликларини сўраган. Кейин янги чим ётқизишди.

- Шаҳар каттами?

- Шундай деса ҳам бўлади. Бу Фарғона водийси, Наманганда футболдан бошқа деярли ҳеч нарса йўқ. Стадионга кўп мухлис келади, етакчиларга қарши баҳсларда 20 мингдан ортиқ ишқибоз йиғиларди.

- Жамоага келганингизда, "Навбаҳор"даги футболчилар яхши ўйин кўрсатиш имконини берганми?

- Бори билан ишлаганман. Баъзилари кетди, хоҳлаганимиз бўлмасада бошқалар келди. Аввалига келишув қуйидагича эди: "Пахтакор"дан 9 очко ва ундан кўп ортда қолсак клуб қолган маошимни тўлаб, шартномани бузиши мумкин эди. Биринчи даврадаги сўнгги тўққизта учрашувда мағлубиятга учрамаган бўлсакда шундай қарор қабул қилинди.

- "Навбаҳор"га ким ҳомийлик қилади?

- Ҳоким, бизни тилда губернатор.

Футбол учун қайғуради, аммо унинг бошқа нарсалардан ҳавотир оладиган маслаҳатчилар бор. "Навбаҳор" - пули кўп "Пахтакор" ёки "Локомотив" эмас, бироқ халқ жамоаси. Мухлислар жамоани яхши кўришади, аммо улар жуда қизиққон, вақти келса тошбўрон қилишлари мумкин. Ҳеч қайси мураббий Наманганни яхшиликча тарк этмаган, у ерда талаб катта. Мен нолисам гуноҳ бўлар, каминани қўлларида олиб юришди десам адашмаган бўламан. Юқори натижага эришмадим, аммо кучли жамоаларга қарши муносиб ўйин кўрсатдик, меҳмонда ғалаба қозонишни бошладик.

- Сизгача меҳмонда ғалаба бўлмаганми?

- Меҳмонда бор-йўғи 2 очко тўпланган мавсум бўлган. Нега бундайлигини ўзингиз тушунишга уриниб кўринг.

- Сизни тушунмадим?

- Нотўғри футбол (келишилган ўйин) ўйнашган. Кейин мураббийга (Илҳом Мўминжонов) олти минг доллар жарима солиниб, 5 йилга футболдан четлатилди.

- Ўзбекистондаги ҳакамлик ҳақида нима дея оласиз?

- Совет Иттифоқи мамлакатидан чиқиб яна шу ерга келгандек бўлдим. Аммо Равшан Эрматов федерация раҳбарига айланганидан сўнг вазият ўзгара бошлади.


- Ўз вақтида Зико, Сколари ва Ривалдо ишлаган "Бунёдкор" ҳозир қандай аҳволда?

- Катта пуллар тугади. Аммо академия ишлаяпти, жамоанинг ёшлари яхши.

- Ким пул бериб турган?

- Ўша ерда ҳамма танийдиган бой инсон. У раҳбарлик қилган пайтларда хатто мағлубият учун мукофот пуллари берилган.

- Ўзбек футболида бақир-чақирлар бўлиб турадими?

- Баъзида. Ҳоким қўнғироқ қилиб бирор футболчини туширишимни айтиши ёки ҳисобни буюртма қилиши мумкин эди. Масалан, "Бугун 3:0 ҳисобида ютишимиз керак". Худди 1:0 ғалаба эмасдек. Мен бундай қўнғироқлар билан безовта қилишмасликларини сўраганман. Бошида у кийниш хонасига кириб, ҳаммага бақириб қоларди: "Бу нима футбол?!" Бир куни биринчи бўлимда ҳисоб 0:0 бўлди, иккинчисида - 3:0. Унинг айтишича, танаффусда бақиргани фойда берган. Кейин у билан алоҳида суҳбатлашдим ва ғазабда ҳаммага бақирмай, ўйиндан бир кун ўтиб футболчи билан тинчгина гаплашишни маслаҳат бердим. Бир-биримизни тушундик, ҳаммаси нормаллашди. Ҳоким Наманган футболи учун кўп ишларни қилган, аммо унинг маслаҳатчилари...

Рейтинг: +71   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг