Жибриль Сиссе панжара ортида ўтириши мумкин
13 сен 2024 13:24
Янгиликлар
Жибриль Сиссе панжара ортида ўтириши мумкин
Франция терма жамоаси собиқ юлдузи Жибриль Сиссе бир йиллик қамоқ ва катта жаримага тортилиш эҳтимоли бор. У қонунни бузганликда гумон қилинмоқда.
"RMC Sport" нашрининг ёзишича, Бастия шаҳри суди Жибрилга қарши айблов эълон қилган. Собиқ футболчи солиққа оид фирибгарлик, бухгалтерия ҳисобининг йўқлиги ва корпоратив қонунчиликни суиистеъмол қилишда гумонланган. Агар суднинг гумонлари тасдиқланса, Сиссе 100 минг евро жарима тўлайди ва бир йилга қамалади.
Эслатиб ўтамиз, Жибриль профессионал фаолиятини 2021 йилда якунлаганди. Сиссе фаолияти мобайнида 609 ўйин ўтказиб, 272 та гол урган. Собиқ ҳужумчи кўп сонли клубларда ўйнаган, аммо Англиянинг "Ливерпуль" ва Франциянинг "Марсель" клубларидаги ўйинлари билан ёдда қолган. Бундан ташқари, франциялик футболчи терма жамоа сафида 41 та ўйин ўтказган.
Ўхшаш янгиликлар
championat.asia
U-17 ЖЧ. Ўзбекистон Италияга ютқазиб, иштирокини нимчорак финалда якунлади
Al Ain Cup. Ўзбекистон пенальтилар сериясида Эронни мағлуб этиб, турнир ғолибига айланди
ЖЧ саралаши. Португалия Роналдусиз рақиб дарвозасига 9 та тўп киритиб, мундиалга чиқди
"Шармандалик, бу шармандалик!"
Фикрлар