ЖЧ-2018 саралаши. Камерун ва Нигерия муроса кўчасини танлашди
05 сен 2017 02:20
Янгиликлар

ЖЧ-2018 саралаши. Камерун ва Нигерия муроса кўчасини танлашди

ЖЧ-2018 Африка қитъаси саралаш босқичида 4-тур учрашувлари бўлиб ўтмоқда.

Жумладан, “В” гуруҳида Камерун терма жамоаси карвонбоши Нигерияни қабул қилди. Яунде шаҳридаги “Омниспортс Ахмаду-Аиджо” стадионида ўтган учрашувда 1:1 ҳисоби қайд этилди.

Ўйиннинг 30-дақиқасида Моузес Саймон Нигерия терма жамоасини ҳисобда олдинга олиб чиқди. 75-дақиқада эса мезбонлар Венсан Абубакарнинг пенальтидан киритган голи эвазига мувозанатни тиклашди.

ЖЧ-2018. Африка қитъаси саралаши. “B” гуруҳи. 4-тур

Камерун – Нигерия 1:1

Голлар: 0:1 – Саймон – 30, 1:1 – Абубакар – 75 (пен)

Турнир жадвалидаги ҳолат: 1. Нигерия — 10 очко (4та ўйин); 2. Замбия — 4 очко (3та ўйин); 3. Камерун — 3 очко (4та ўйин); 4. Жазоир — 1 очко (3та ўйин).