Жавоҳир Сидиқов: "Қашқадарё халқи ва "Насаф" жамоаси бу чемпионликни узоқ вақтдан бери кутаётганди"
01 ноя 2024 22:59
Янгиликлар

Жавоҳир Сидиқов: "Қашқадарё халқи ва "Насаф" жамоаси бу чемпионликни узоқ вақтдан бери кутаётганди"

"Насаф" ярим ҳимоячиси Жавоҳир Сидиқов "Локомотив"га қарши учрашувдан сўнг чемпионлик таассуротлари билан ўртоқлашди.

"Қашқадарё халқи, "Насаф" жамоаси бу чемпионликни узоқ вақтдан бери кутаётганди. 2024 йилда қўлга киритиш насиб қилган экан. Ҳиссиётларни тил билан таърифлаб бўлмайди, жуда хурсандмиз. Ҳаммани чин қалбимиздан табриклаймиз.
Бу йил ҳар йилгига қараганда интригага бой бўлди. Муросасиз ўйинлар кўп бўлди. Буни футбол ичидаги барча сезди. Ушбу мавсум энг ширин чемпионлик сифатида ёдда қолди" , - дейди Жавоҳир Сидиқов.