Жавоҳир Расулов: "Суперлигага чиқмоқчи бўлган жамоа рақиб танламаслиги керак"
27 ноя 2018 18:21
Янгиликлар

Жавоҳир Расулов: "Суперлигага чиқмоқчи бўлган жамоа рақиб танламаслиги керак"

"Истиқлол" - "Нурафшон" (2:1) учрашувидан сўнг фарғоналиклар ярим ҳимоячиси Жавоҳир Расулов "Championat.asia” сайтига интервью берди.

Бугунги ўйин қийин бўлишини билардик - дейди Жавоҳир Расулов. Жамоадошларимиз бор имкониятлари билан ҳаракат қилишди. Жамоавий ўйин ва мураббийларимиз томонидан танланган ўйин услуби эвазига бугун ғалаба қозондик.

Жароҳатим туфайли бир мавсум давомида футбол ўйнай олмадим. Мана энди аста-секин ўз ўйинимни топиб бораяпман. Насиб қилса ўз ўйинимни янада кучайтириб, "Истиқлол" жамоасини Суперлигага олиб чиқишга ҳаракат қиламиз. Энди Суперлигага чиқмоқчи бўлган жамоа рақиб танламаслиги керак. Суперлига якуний турида бизнинг рақибимиз аниқланади. Мухлисларимиз бизни қўллаб-қувватлаб туришса, биз Суперлига йўлланмасини қўлга киритишга ҳаракат қиламиз.