Жавлон Гусейнов: "ЖЧ-2022да Аргентинага мухлислик қилмоқдаман"
27 ноя 2022 19:33
Янгиликлар

Жавлон Гусейнов: "ЖЧ-2022да Аргентинага мухлислик қилмоқдаман"

Теглар : Жавлон Гусейнов Жаҳон чемпионати-2022

Индонезия чемпионатида ҳамюртимиз Жавлон Гусейнов тўп тепмоқда. Бу ерда чемпионат тўхтаб қолганига икки ой бўлди. Хўш, чемпионат қачондан бошланади?

У ЖЧ-2022да кимга мухлислик қилмоқда. Қуйида унинг фикрлари қулоқ тутдик.

- Жавлон, Индонезия чемпионати баҳслари қачондан давом эттирилиши мумкин?
- Тўғриси, бу оғриқли мавзу. Чунки 2 ёки 3 кундан кейин чемпионат тўхтатилганига 2 ой бўлади. Орада лига раҳбарлари ўзгарди. Янги раҳбарият 2 декабрда давом этишини ваъда қилган. Кўрамиз, буёғи қандай бўлади.

- Спорт формани ушлаб туриш осон бўлмаётгандир?
- Албатта қийин. Сал кам 2 ой расмий ўйинларсиз машғулот ўтказиб юриш қийин. Ўйинлар бошланса ҳаммаси ўз ўрнига тушиб кетади деб ўйлайман.

- Сизнингча, ЖЧ-2022да қайси жамоа чемпион бўлиши мумкин?
- Жаҳон чемпионати бошланишидан аввал бу йил сюрприз жамоа бўлиши мумкун деган тахмин қилганман. Балким Қатардаги мусобақа бизга мана шундай воқеани тақдим этиши мумкин.

- ЖЧ-2022да қайси терма жамоага мухлис қиляпсиз?
- Ўзим бу сафарги мундиалда Аргентинага мухликлик қилмоқдаман.