UZ

Сўнгги янгиликлар

19:03Ўзбек футболининг қоронғи томони — 23 апрелда “OUT” сериалининг премьераси бўлиб ўтади  0 18:29"Реал" Чемпионлар Лигасидан чиқиб кетганидан кейин сардори тақдирини ҳал қилди  3 18:00Суперлига. "Хоразм" – "Бунёдкор" 0:0 (матнли трансляция)  1 17:59Про лига. "Олимпик-MobiUz" "Олимпик"дан устун келди  2 17:47Суперлига. "Қизилқум" – "Қўқон-1912". Таркиблар маълум  2 17:31Месси ва Роналду бир жамоада бирлашиши мумкин  5 17:05Мурод Исмоилов "Нефтчи" - "Пахтакор" ўйини олдидан: "Турнир жадвалидаги фарқ эртага ҳеч нарсани англатмайди"  1 16:35Рэшфорд "Барселона"га ўтишдан умидвор  0 16:10"Ал Мумтоз" тарихидан. 2012 йилги Ўзбекистон чемпиони "Пахтакор"ни мағлуб этган "Нефтчи"  2 15:30Канада жамоаси Элдор Шомуродовга қизиқиш билдирган  6 14:48"Байер" Хаби Алонсонинг "Реал"га ўтиши учун 10 млн евро талаб қилади  8 14:20Суперлига. 6-тур дисквалификациялари: "Нефтчи", "Насаф" ва "Бунёдкор" 1 нафардан йўқотишга эга  10 13:45"Манчестер Сити" Ҳусановга Италия А Сериясидан рақобатчи топди  14 13:18"Бешиктош" қозоғистонлик футболчини трансферга қўяди  1 12:50Тарихда шу кун. "Бунёдкор" - "Гамба Осака" 3:2. Шарқда учган "қалдирғоч"  3

Жамшид Саидов: "Биринчи даврадан сўнг кучайишимиз аниқ" Янгиликлар

Жамшид Саидов: "Биринчи даврадан сўнг кучайишимиз аниқ"

Суперлиганинг 12-туридан ўрин олган "Навбаҳор" - "Қизилқум" учрашувидан сўнг (0:0) меҳмонлар бош мураббийи Жамшид Саидов матбуот анжуманида иштирок этди.


"Ўйин ҳақида ҳеч нарса демоқчи эмасман. Учрашув жуда яхши ўтди. Қарши ҳужум орқали имкониятлар яратишга уриндик. Чунки “Навбаҳор” қандай ўйнашни билишади. Қолаверса, Наманганда ўйнадик. Бугун омад биз томонда эди. Йигитларга, шунингдек, узоқ йўлдан бизни қўллаб-қувватлашга келган мухлисларга миннатдорчилик билдираман. Бугун етакчилардан очко тортиб олганимиздан хурсандман.

Акаки ҳақида ҳозир ҳеч нарса дея олмайман, лекн у биринчи бўлимда жароҳат олди. Бир неча кундан сўнг унинг саломатлиги ҳақида билиб оламиз. Унинг жароҳати сабабли тактикамиз ўзгарди. Чунки у жамоа етакчиларидан бири саналади. Умид қиламанки, Акакининг жароҳати жиддий бўлиб чиқмайди. Чунки олдимизда биринчи даврадаги ОКМКга қарши сўнгги ўйин кутиб турибди. Мухлисларимиз қаршисида бор имкониятимизни ишга солишимиз керак. Бошқа ўйинларга қандай тайёргарлик кўрсак, бунга ҳам шундай тайёргарлик кўрамиз.

Шогирдларимнинг бугунги ўйинидан мамнунман. Режалар ҳақида гапирадиган бўлсак, селекция ишлари олиб борилмоқда, жамоага янги қон керак. Мавсумни яхши бошлагандик, лекин биринчи давра сўнгида омад биздан юз ўгирди. Ўйлашимча, жамоа ёмон эмас. Аммо биринчи даврадан сўнг кучайишимиз аниқ. 

"Навбаҳор" чемпионлик учун курашадиган лидерлардан биридир. Улар билан очиқ футбол ўйнаб бўлмайди. Бугун биз ҳимояландик, аммо "Навбаҳор" таркибида терма жамоанинг ярми жамланган. Уларнинг аксарияти турли клубларда бир неча бор мамлакат чемпионлигини қўлга киритган. Рақиб ўз майдонида ўйинни ҳамиша кучли тарзда бошлашини билардик. Улар дастлабки дақиқалардан прессингга урғу берди. Мухлисларнинг мезбонларни қўллаб-қувватлаши ҳам катта аҳамиятга эга. Биз  буни билардик ва шунга яраша тайёрландик. Чемпионатда ҳамма бир-бирини билади. Муҳими, қийин ўйинда очко қўлга киритдик. 

Бугун бизга совуққонлик ва маҳорат етишмади. Қолаверса, ҳаво иссиқ бўлди, бу ҳам футболчиларга таъсир ўтказди", — деди навоийликлар устози.

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика