Эслатиб ўтамиз, аввалроқ "МЮ" Маурисио Почеттинони бош мураббий этиб тайинлаш борасида келишувга эришгани хабар қилинган эди.
"Кэррик — менинг дўстим. Биз "Вест Хэм"да бирга ўсдик, Англия терма жамоасида бирга ўйнадик, фаолиятимизни "Манчестер Юнайтед"да бирга ўтказдик, бирга ғалаба қозондик ва ютқаздик, шунинг учун уни дўстим деб атайман. Бу мавсумни кузатиш оғир бўлди.
Ўтган мавсум у келиб клубни қутқаргани, ишонч бағишлаб, жамоани ЧЛга олиб чиққани гўёки бир эртак эди. Жорий мавсумда эса барчаси остин-устун бўлиб кетгандек. Ўйин, руҳий ҳолат ва ўзига бўлган ишонч у эндигина келган пайтдаги ҳолатига қайтиб қолди.
Мен ўз фикримда қатъийман ва у кўпроқ вақтга муносиб, деб ҳисоблайман. Сабаби, бир зумда халоскорга айланиб, бир нечта ўйиндан сўнг ишдан бўшатилиб кетиш мумкин эмас. У қийин дамлардан ўтиш ва футболчиларга ўзларини бошқа томондан кўрсатиш имконини бериш учун кўпроқ вақтга лойиқ эди", — деди Фердинанд ўзининг YouTube-каналида.
