Италиялик ҳакам ҳисоб 31:0 бўлгач ўйинни муддатидан аввал тўхтатди ва...
16 окт 2015 08:02
Янгиликлар

Италиялик ҳакам ҳисоб 31:0 бўлгач ўйинни муддатидан аввал тўхтатди ва...

Италия ўсмирлар лигасининг навбатдаги тур ўйинларининг бирида қизиқ воқеа бўлди.

"Понте-Ронка" ва "Персисето 85" жамоалари ўртасида кечаётган учрашувнинг 60 дақиқасига келиб меҳмонлар 31:0 ҳисобида олдинга чиқиб олдилар. Бундай шармандаликни кўтара олмаган майдон эгалар мазкур ҳисобга рози бўлган ҳолда ҳакам билан келишиб ўйинни муддатидан аввал тўхтатдилар.

Воқеадан сўнг футбол қоидаларига зид ҳаракат қилганлиги учун 20 ёшли ҳакамни Италия ҳакамлар департаменти бир неча турга дисквалификация қилди.

"Регламенг қўпол тарзда бузилди. Ҳакам нима қилаётганлигини биларди ва буни ўйиндан кейинги қайдномасида келтириб ўтди. Унга бу касб ёқади, лекин хатолари устида ишлаши лозим. Бу дисквалификация унинг фойдасига хизмат қилишига ишонамиз. Ўйин эса қайтатдан ўтказилинади", - дейди департамент вакили Антонио Аурельяно.

Ҳавола :

Манба : bolognatoday.it

Янгиликларни Телеграмда ўқинг!

Рейтинг: +6