Ислом Тўхтахўжаев «Астана» йиғинида қатнашмоқда
11 дек 2013 12:25
Янгиликлар

Ислом Тўхтахўжаев «Астана» йиғинида қатнашмоқда

Қозоғистоннинг «Астана» клуби ўқув-машғулот йиғинини ўтказмоқда.

Ўтган мавсумда клубда ўйнаган футболчилардан ташқари иккита янги футболчи ҳам машғулотларга қўшилган. Улар Кирилл Шестаков ва ўзбекистонлик Ислом Тўхтахўжаев. Бу ҳақда клуб расмий сайти fca.kz хабар берди.

Шестаков сўнгги уч йилни «Қайрат» клубида ўтказди. Тўхтахўжаев эса Ўзбекистон миллий терма жамоаси аъзоси саналади. У миллий терма сафида 29та ўйин ўтказган. Ислом 2009 йилги ёшлар ўртасидаги мундиалда ҳам қатнашган. Ўтган мавсумда 24 ёшли ҳимоячи Тошкентнинг «Локомотив» клуби шарафини ҳимоя қилганди.

Эслатиб ўтамиз, «Астана» клубида ўзбекистонлик Вадим Абрамов иш бошлади.

Ҳавола :

Янгиликларни Телеграмда ўқинг!

Рейтинг: